گۆتنێن بەریا دبیروباوەرێن ئێزدیان دا
سەگڤان شنگالی
گۆتنێن بەریا یەك ژ پشكێن ئەدەبیێ فلكلۆری یێ گرنگە و هەر گۆتنەكێ سەرهاتی یان چیرۆكا خۆ هەیە ئانكو ئەڤ گۆتنێن بەریا ژ ئەنجامێ روودانەكێ یان دووڤچۆنەكێ یان ژی چیرۆكەكێ ژناڤ جەرگێ روودانێن دوور و درێژ یێن دیرۆكێ دەركەتنە و هاتنە گۆتن و ئەڤ گۆتنە بارا بتر لسەر هەموو تەخ و چینێن جڤاكی و د هەموو وارێن ژیانێ دە لسەر هەموو دەمان دئێنە گۆتن،هەروسا د ئالیێ ئەدەبی ژی دە ئەڤ گۆتن ب گۆتنێن گەل(أقوال شعبیە) دئێنە ناسكرن،بێگۆمان دناڤ ئەدەب و فلكلۆر و جڤاكا گرێدایی ئێزدیان دا گۆتنێن بەریا جیەكی گرنگ و تایبەت هەیە چ ژلایێ جڤاكی ڤە یان ژلایێ ئاینی ڤە ئەڤان گۆتنان جیێ خۆ هەیە و بەردەوام دئێَنە گۆتن و رژدی لسەر دئێنە كرن و ئەڤ یەك ژی ب سەدێن سالا وەك كلتۆر و تیتال لسەر زارێ خەلكێ مانە و رۆژانە لسەر زارێ خەلكێ دئێنە گۆتن، تایبەت لسەر زارێ كال و پیران، سەبارەت پەیدابوونا وان نە جیێ گۆمانێ یە كو ئەڤ گۆتن ژلایێ كەسێن زانا و نەزان ڤە هاتبنە گۆتن و دروست كرن بەلكو ب گشتی هەر كەسەكی یان قەبیلەكێ ل پێ روودان و سەرهاتیێن بسەر وان دە هاتین و ژ ئەنجامێ وێ سەرهاتیێ ئەو كەس یان وێ قەبیلێ گۆتنەك ئافراندی یە و گۆتنە ئانكو ئەو گۆتن بوویە ئەنجام و كورتكریا وێ سەرهاتیێ بۆ نموونە (كولا مالا خەلەفێ خان عەلی) خەلەفێ خان عەلی مەزنێ چیایێ شنگالێ بوو ژ بەر زولم و زۆریا وی لسەر خەلكێ كولەك ژ مالباتا ویرە هات و ژبەر وێ كولێ كەسەك ژ مالباتا وی نەفەلتی و هەموویان جانێ خۆ ژ دەست دان و هەموو بوونە قوربانی و هەتا نۆكە ژی ڤێ كولێ دەنگ ڤەدایە و دەما كەسەك زولمێ دكت و نەخۆشیێ دگەهینتە دەردۆران دبێژنێ (كولا خەلەفێ خان عەلی ژ تەرە وەرت) و هۆسا بتریا گۆتنێن بەریا هاتنە ئافراندن و گۆتن و وەكو د سەری دە ژی من ئاماژە پێدایی ئەڤ گۆتنێن بەریا لسەر هەموو رەوشێن ژیانێ هاتنە گۆتن ژ وانژی وەك(عەشق،مێرخاسی،نشتیمان،ژن،فەلسەفە،ژیان،مرن،بندەستی،ئازادی،تفاق و تەبایی).
هنەك ژوان گۆتنان ئەڤن:
_ئاقلێ ژ خەلكێ ئاڤا ل سەلكێ
_دنیا گولەكە هەر جار رەنگەكە
_ژ هەر كەسی نائێت ژ خوەرە بمرت
_ب پرسێ توو دچی خورسێ
_شام شەكرە وەلات شرینترە
_ژنا باش سەیدە،ژنا خراب قەیدە
_هەكە دەستێ بڤر نە ژ دارێ بە كەتنا دارێ نینە
_راستی رێیا خودێ یە
_مێرا ل یەك كرن تەبای،چیا دانین سەر چیای
_زكێ تێر هاژی یێ برچی نینە
تُتاح هذه الصورة أيضا في: کوردی