ئێزدی و پەیڤێن كەڤنار،نموونە (ژ تاریێ خەبەر نەدە)
لەیت حسێن
هەر مللەتەكی ل سەر روویێ ئەردێ هژمارەیەكا زێدە یا بۆچۆن و لێكدانان ل سەر هەر بابەتەكی هەینە،ژبەركو هەر مللەتەكی هەبت بخوە ژی بۆچۆنێن جیاواز و جودا جودا لدۆر هەبوونا هەر بابەتەكی دناڤ خۆدا هەینە،ئەڤە ژبلی وێ یەكێ كو مللەت بخوە ب رەوشەنبیری و زانست و زانینێ پێش دكەڤن لێ دڤێت هەر ل سەر رێچك و رێبازا كەڤن یا پێشیێن خۆ بەردەوام بن ب ئاوایەكی كو گەشەیێ پێ بدەن نەكو وی تشتێ نەزەلال و نەراشكاوانە دیار بكەن.
ل جەم بتریا مللەتان ب تایبەت یێن رۆژهەلاتا ناڤین كار و كڕیار و گۆتن و روودان یێن بەریێن خۆ یان ژی یێن سەردەمێن پێش وان هاتینە هەلگرتن و زۆربەیا هەرا زۆرا وان وەك من ئاماژە پێ دایی ل سەر وێ رێبازێ دچن،مللەتێ ئێزدی ژی ب ئاوایەكێ گشتی كو مللەتەكێ بەربەلاڤ و دیارە ب تایبەت ل وەلاتێن عێراقێ و سوریا و ئەرمەنستانێ و ئەلمانیا و چەند وەلاتێن دی یێن ئەورۆپا و ئەمریكا و ئوسترالیا كو كۆكا هەبوونا وان ژی ئەگەر بتر دیار بكەم ل قەزا شنگالێ ل رۆژئاڤایێ پارێزگەها نەینەوا و شێخان و پارێزگەها دهۆكێ ل هەرێما كوردستانێ،هەر چەندە ل درێژاهیا دیرۆكێ دا و ل سەردەم و چەرخێن بۆری و دەربازبووی دا ب دەهان كۆمكوژی و كارەساتێن گرۆپێن تیرۆری ل دژی ئێزدیان هاتینە كرن و ئەگەر ژی ژبەركو ئێزدی ژ مللەتەكێ هژمارەك مەزن بوون و ب شێوەیەكی دیار كێم دبن و هەتا نۆكە ژی بەرەف كێمبوونێ دچت، ب راستی وەك ژمارە كۆمكوژیا شنگالێ داوی كۆموژیا ئێزدیان بوو كو ل تەباخا سالا 2014ێ ل قەزا شنگالێ ل دەما هێرشا رێكخراوا تیرۆرستی یا داعش بۆ سەر قەزایا ناڤهاتی هاتیە ئەنجام دان بوو ئەگەرێ كوشتنا هەزاران ئێزدیان و بتریا خەلكێ وێ دەڤەرێ دەربەدەر و ئاوارە بوون.
سەرباری ئەڤێ چەندێ هەموویێ لێ هەر ئێزدیان دیرۆك و شارستانیەتا خۆ وەك مللەت پاراستیە،ژبەركو گرنگیەكا باش ب گۆتنێن بەریا و ب گۆتنێن باب و كال و كەسێن خۆ یێن ب دانعەمر دكرن كو هژمارەیەكا زۆرا گۆتنان هەیە كو ژئالیێ باب و كالێن وان مە ڤە هاتیە گۆتن و ئێزدی دبێژنێ گۆتنێن بەریا،ئەو گۆتنن یان ئەم دكارن بێژین وان گۆتنان بخۆڤە دگرن یێن كو ژئالیێ باب و كالێن مەڤە یان كەسێن ب تەمەن یێن ل سەربۆرا و روودانێن دژوار و نەخۆش دا دەربازبووین و سەربۆر د بواران دا هەبوون یێن گۆتن تێدا دگۆتن كو ل سەردەمێن جیاواز و پێشتر دا ئەڤ چەندە هاتیە روودان و بەردەوامی ژی ب خۆڤە هەیە،كەسێن ئێزدی بخوە ژی د درێژاهیا دیرۆكێ دا باوەری ب گۆتنێن بەریا هەبووینە و گرنگیەكا زۆر پێداینە و هەردەم ژی دبێژن ئەڤ گۆتن د دروستن و ل پەی وان روودان و گۆتنان رووددەن.
نۆكەژی ژ ئالیێ ئێزدیان ڤە باوەریەكا باش ب گۆتنێن بەریا هەیە و دیار دكەن كو گۆتنێن بەریا د دروستن و هەر ل پێ وان گۆتنا ژی دچن و هیڤی ژی ب گۆتنێن گەشبین هەینە و ئەم دكارین بێژن ژ باب و كال ڤە ئەو گۆتنە هاتینە گۆتن كو كۆمكوژی وێ بسەرێ ئێزدیێن ل شنگالێ ئێتە كرن،لێ هەر پاشی دێ بتە مەسكەن و ئارامگەها ئێزدیان ئەڤە وەكو ل گۆتنێن بەریا دا هاتیە.
نموونە ژی ل سەر ڤی بابەتی ئەوە كو دبێژە:(ژ تاریێ خەبەر نەدە) واتایا وێ یەكێ ئەوە ئەگەر تە زانیاری ل سەر تشتەكی یان بابەتەكی نەبن ل دۆر نە پەیڤە یان تشتەكی ل دۆر نەبێژە،داكو توو نەكەڤیە شاشیێ و ژبا خۆ ل سەر چ تشتان نەپەیڤە.
تُتاح هذه الصورة أيضا في: کوردی
