تۆرا لالش – موسا خالد
پشتی ل رێكه‌فتی 7-12-2024 ل كاتێدرائییا نۆترداما پاریسێ سه‌ر ژ نوى هاتە ڤه‌كرن، بۆ ده‌ما پێنج سالایه كارێ نووژه‌نكرنێ تێدا هاتییه‌كرن، كو ژ ئه‌گه‌رێ روودانا ئاگر به‌ربوونێ ئه‌و كاتێدرائى وێران بوو ئەڤە جهەکێ ئاینییێ مەسیحیان یێ پیرۆزە وەکو سمبولەكه گرنگە بۆ گەلێ فه‌رەنسا و رێوره‌سم ڤه‌كرنا وێ ل سه‌ر ئاسته‌كێ بلند رێڤه‌چوون، نوتردام وەکو هێمایەکێ مێژوویی یێ نەتەوەی یە بۆ گەلێ فه‌رەنسا ڤێ رۆژێ وەکو دەستکەفت قەلەم د دەن.
تێ زانین زێده‌تر ژ “50” سه‌رۆك و سه‌ركرده‌یێن بالا یێن جیهانێ و نزیکی “170” قەشە و زه‌لامێن ئاینی یێن مەسیحییان ل سه‌رئاستێ جیهانی و “40” هزار کەسێن دی د ئامادەبوون و ژ ئالییێ سه‌رۆكوه‌زیرێن فه‌ره‌نسا ئیمانوێل ماكرۆنى ڤه رێوره‌سمێن كاتیدرائیێ دووباره هاته ڤه‌كرن و ئێك ژ وان مێهڤانێن داخوازكریان نێچیرڤان بارزانى سه‌رۆكێ هه‌رێما كوردستانێ بوو.
پەیوەندیێن هەرێما کوردستانێ دگەل فه‌رەنسا زۆر دوور و درێژن ل سەر ئاستێ سیاسی و دێپلوماسی کەلتوری و زانستی دیسان ئێک ژ کەڤنترێن دۆستێن کوردان یێن بەردەوام وەلاتێ فه‌رەنسایە و کورد وەلاتێ فەرەنسا وەکی چیایەکێ دبین مێژوو ڤێ چەندێ دیاردکەت هەر ژ سالێن شێست و هەفتیان سەردەمێ جێنرال “مەلا مستەفا بارزانی” هەر ل وی سەردەمی داخواز ژ وەلاتێ فه‌رەنسا کر بەردەوام پێشتەڤانیا کوردان بکەت، هەر ژ کەڤندا درێژی ب خەباتا یا دۆزا مللەتێ کورد دا و ل وی سەردەمی پزیشکێن فه‌رەنسا ل چیایێن کوردستانێ دناڤ هێزێن پێشمەرگەی دا د هاریکاربوون و ل دەمێ پێش راپەرینێ ژی دا فه‌رەنسا ئیک ژوان وەلاتان بوو رۆلەکێ کارێگەر هەبوو بۆ دەمێ دانانا دەستوورێ عێراقێ دا و فه‌رەنسا پالپێشتا هەرێما کوردستانێ دكر.
ل شەرێ داعش ژی سەرۆکێ وی سەردەمێ یێ فه‌رەنسا دگەل سەرۆک بارزانی سەرەدانا سەنگەرێن پێشمەرگەی کرو پێشتەڤانیا خوه بۆ هێزێن پێشمەرگەی دیارکر، د هەموو بوارێن سیاسی و ئابووری و بازرگانی و سەربازی د هاریکاربووینە بۆ هەرێما کوردستانێ، سەرەدانا سەرۆک ” نێچیرڤان بارزانی” بۆ وەلاتێ فه‌رەنسا و پێشوازیکرنا وی جهێ پیرۆز ل نۆتردامێ ژلایێ سەرۆکێ فرەنسا “ئێمانویڵ ماکرون” هاتە پێشوازیکرن ژ روویێ پێكڤەژیانا گرنگ و کەلتوری و دێپلوماسی ئەڤە پێنگاڤەکا گرنگە د ڤێ رەوشا نۆکە دا ب تایبەت ئەو کێشەیێن ناڤبەرا حزبوللا یا لوبنانی و شەرێ سوریا و چەکدارێن ئوپوزسیونا سوریا و فەرەنسا رۆلەک بەرچاڤ هەیە بۆ چارەسەرکرنا کێشەیان و بەرەف سەقامگێریەکا باشتر بۆ هەردوو لایەنان، ژلایەکێ دیژی ڤە هەبوونا شەرێ حەماس و وەلاتێ ئێسرائیل و هه‌روه‌سا نۆکە چاڤێ وەلاتێن جیهانێ هەموویێ ل دوخێ رۆژهەلاتا ناڤەڕاستە ب تایبەتێ هەبوونا بەرەی روسیا و ئێرانی پێشتگیرکرن بۆ سەرۆکێ سوریا بەشار ئەسه‌د لایەکێ دی رۆلێ تورکیا گهۆرینا دیموگرافیا دەڤەرێ و دیسان بەرەیێن دی یێن ئەمریکا و ئێسرائیلن کا ل داهاتی دا دێ چ روودەت ئەڤ کارەسات و شەرە ژی دێ چ لی ئێن.
دیسان ئەڤ شەرۆ ئاڵۆزیێن نۆکە ل رۆژهەلاتا ناڤەراست بۆ وەلاتێن عەرەبی و دیسان بۆ ئۆرۆپا زۆر د گرنگن داكو بزانن دێ چاوان چارەسەرکەن ب تایبەت بۆ وەلاتێن ئەندام ل ناڤ ئیکەتیا ئۆرۆپا و فه‌رەنسا چنكو وه‌لاتێ ناڤبری ئێک ژوان وەلاتێن ئەندام و ب هێزه و هه‌روه‌سان ئێك ژ زلهێزایه و مەزنە ئەنداما ئاسایشا نێڤدەولەتی یە.
دیسان ئەڤ سەرەدانا سەرۆک نێچیرڤان بارزانی و ماکرونی تەکەزییێ ل پەیوەندێن دیروکی دکەن، هەرێما کوردستانێ و هەبوونا عێراق و هەرێمەکا سەقامگیر و بێ لایەن د ڤێ شەرێ سوریا دا رووددەت د بەرژەوەندیا هەر لایەکی دایە، فه‌رەنسا د هەر ئاستەکێ دا ئاشتیێ و کەلتوری دە رۆلەكێ بەرچاڤ و کاریگەر هەیە و دیسان فه‌رەنسا و هەرێم پێگەهەکێ گرنگ هەیە د ئاستێ نێڤدەولەتی دە ب تایبەت بۆ پەیوەندیێن ئابووری و زانستی و سیاسی و کەلتوری ب هێزتر بن.
تُتاح هذه الصورة أيضا في: کوردی
