کابینا نەهێ یا حکومەتا هەرێما کوردستانێ ب سەرۆکاتیا رێزدار مەسرور بارزانی هەر ژ دەستپێکا پێکئینانا کابینا نەهێ خزمەتەکا بێ سنور دبیاڤێن جودا جودا یێن ژیانێ دە پێشکێشی ئێزدیان کریە.
سەرەرایی بڕینا بودجێ هەرێمێ ژئالیێ عیراقێ ڤە، و هەبوونا ئاستەنگێن ژ بۆ موچەیێ فەرمانبەرێن هەرێما کوردستانێ هاتنیە دروستکرن، هەر وەها ململانێ یا لایەنێن سیاسی یێن هەرێما کوردستانێ، لێ ئەڤان ئاستەنگان نکارین ببنە رێگر هەمبەری کابینا نەهێ ژبۆ خزمەتا ئێزدیان.
سەردەمێ مەسرور بارزانی گرنگیەکا مەزن ب جهێن پیرۆز یێن ئێزدیان و دەڤەرێن ئەو لێ ئاکنجی هاتیە دان ژئالیێن جودا جوداڤە، بەردەوام ژنێزیک ڤە هایداری رەوشا وان دبە، چەندین پلە و پۆست ل سەر ئاستێن بلند دناڤ حکومەتێ دا ب ئێزدیان داینه.
ب بریارا جەنابێ سەرۆک وەزیران رێزدار مەسرور بارزانی مینحەیەکا تایبەت ژبۆ رزگاربوویێن دەستێ تیرۆرستێن داعش هاتە دان، ل بەرە سەنتەرێ دەروونی ژبۆ وان بهێتە ڤەکرن، هەر وەها پارچە زەڤی ژ بۆ وان بهێنە تەرخانکرن دیسان قوتابیێن رزگاربووی دەلیڤێن خواندنێ ل کۆلیژ و پەیمانگەها ژبۆ وان هاتنە دابینكرن.
بشتەڤانیا سەرۆکێ حکومەتێ ژبۆ بنگەهێ لالش یێ رەوشەنبیری و کۆمەلایەتی، ڤەکرنا کەنالێ “سەما تیڤی” ژبۆ ئێزدیان، جادە و رێک و بان ب شێوازێ ستاندەرێ جیهانی هاتنە دروست کرن.
ئاینێ ئێزدی ئێک ژ كەڤنترین ئاینێن رۆژهەلاتا ناڤین و هەرێما کوردستانێ یە، ب درێژاهیا دیرۆکێ راستی گەلەک فەرمان و کارهسان هاتیە پێخەمەت پاراستنا ئاخ و ئۆلا خۆ یێن پیرۆز.
ب رێکا تێکستێن ئاینێ خۆ فەرهەنگ، و زمانێ کوردی پاراستیە.
کابینا نەهـێ یا حکومەتا هەرێما کوردستانێ د ماوەیێ کارکرنا خۆدا ب سەدان پرۆژەیێن ستراتیژی و خزمەتگوزاری یێن رێک و بان، ئاڤ، کارەب، ژینگەهـ ، وەبەرهێنان، پەروەردە ژبۆ هەموو پێکهاتان بێ فرق وجدایی جێبەجێ کرینە.
تُتاح هذه الصورة أيضا في: کوردی