بەرخودانا كچا ئێزدی پشتی كارەساتێ
گولستان عەلی
پشتی هەر كارەساتەكێ ب هەزارا نەخۆشی دژیانا مروڤی دا دروست دبن،بەلێ پشتی كارەساتا شنگالێ پتر ژ هەزارا نەخۆشیا پەیدابوون د ژیانا كچا ئێزدی دە، بەلێ دڤێت مرۆڤ ب هێزتربت ژ هەر ئاریشەكێ.
هەروەسا پشتی كارەساتا چیایێ شنگالێ گەلەك نەخۆشیێن كچێن ئێزدیان زێدەبوون،بەلێ بارا پتر ئاریشێن وان كچان زێدەبوون ئەوێن كەفتینە د دەستێ تێرۆرستێن داعشێ دا،بەلێ ل سەر ڤێ چەندێ ڤە ژی كچا ئێزدی بێ هیڤی نەبوو و پتریا وان كچان كارین خۆ قورتال بكن ژ دەستێ وان تیرۆرستا، ژبەر ڤێ یەكێ ژی كچا ئێزدی وەكی هەر جار هێز وشیانێن خۆ دیار بكت و كچا ئێزدی چەند تووشی نەخۆشیێ ژی بت هەر دەست ژبیر و باوەرێن خۆ بەر نادەت،هەردەم هیڤی و ئارمانجێن كچا ئێزدی ئەون كو خزمەت وهاریكاریا مللەتێ خۆ بكت.
ل هەموو وەختا بارودۆخێن سیاسی و ئابووری كارتێكرنەكا كارتێكرنەكا زۆر ل سەر كچا ئێزدی هەبوویە،بەلێ ئەڤ چەندە ژی نەبوویە ئاریشەكا مەزن دژیانا كچا ئێزدی دا،چنكو كچا ئێزدی هەموو وەختا هەول دایە كو كچەكە زیرەك بت و پاشەرۆژەكا گەش هەبت و ببتە خودان هێز و شیان و بەرەڤانیێ ژ مللەتێ خۆ بكت و ئاخا خۆ بپارێزت،كچا ئێزدی هەردەم داخوازا وێ ئاشتی یە،نە ب تنێ بۆ مللەتێ وێ،بەلێ بۆ هەموو مللەتێن جیهانێ و دخوازت هەموو وەختا پێكڤەژیان هەبت.
تُتاح هذه الصورة أيضا في: کوردی
