ل ڤان نێزیکان سێ وەلاتێن ئەرەبی ل سەر نەخشەیی نامینن
ئەڤرۆ نیوز:
رێڤەبەرێ بەرێ یێ دەزگەھێ ھەوالگیریا ئەمریکا(CIA) دەربارەی بارودۆخێ رۆژھەلاتا ناڤەراست دبێژیت، ل ڤان نێزیکان سێ وەلاتێن ئەرەبی ل سەر نەخشەیێ رۆژھەلاتا ناڤەراست دێ ئێنە ژێبرن.
مایکل ھایدن، رێڤەبەرێ یێ ھەوالگیریا ئەمریکا راگەھاندیە،ل ژێر روشنایا رێکەفتنناما سایکس بیکۆ کو بەری سەد سالان ھاتبوو ئیمزاکرن،لڤان نێزیکان و ب لایێ کێمڤە،دو وەلاتێن ئەرەبی ل سەر نەخشەیێ رۆژھەلاتا ناڤێن ووێ ئێنە ژێبرن.
سەرباری ڤان ھەردو وەلاتان،ناڤێ چەند وەلاتێن دی یێن عەرەبی ئینا،کو نۆکە شەر دناڤدا سەرھلدایە،مایکل ھایدنی زۆ رۆژناما “لۆ ڤیگارۆ” یا فرنسی گۆتیە،پێدڤیە روو ب روو راستیان ببین،کو چ دەولەت ب ناڤێ عێراق و سووریا نەماینە،لۆبنان ژی یا بەرەف شکەستنێ دچیت.
وی بەرپرسێ ئەمریکی زێدەتر گۆتیە،ئەو وەلات ھەمی یێن دڵبەش بووین بۆ سەر چەند ناڤان،ژ وانا:کورد،شیعە،سوننە،داعش و قاعیدە،کو بەری نۆکە ل ژێر ناڤێ عێراق و سووریێ کوم ببوون.
ھەروەسا گۆتیە ژی: ئەڤ دەڤەرە د دۆخەکێ نەسەقامگیردایە و ب ڤی رەنگی دێ مینیت،بۆ چەند سالێن بھێت ھەکە وەلاتێن کاریگەر بزاڤێ نەکن.
تُتاح هذه الصورة أيضا في: کوردی