بەغدا.. 82 کەس د پەقینەکێ دا ھاتنە کوشتن
وار
هەشتێ و دو کەس ژ ئەگەرێ پەقینەکێ ل بەغدا ھاتنە کوشتن و ھەژمارەکا دی بریندار بوون.
ل گۆری ئاژانسا رۆیتەرز، ل شەڤا بووری بەری دەمێ پاشیڤێ ل تاخێ کەڕادە یێ ناڤەڕاستا بەغدایا پایتەختێ ئیراقێ پەقینەک چێبوو، ژ ئەگەرێ پەقینێ تا نوکە ھەژمارا کوشتییان گەھشتییە هەشتێ و دو کەسان و ھەژمارەکا دی یا وەلاتیێن سڤیل بریندار بووینە.
رێکخستنا تیرۆری یا داعشێ پاش پەقینێ ب دەمەکی بەرپرسیارەتییا خوە ژ کریارێ راگەھاند و گەفێن ئەنجامدانا کریارێن تیرۆری یێن نوو کرن.
دوھی شاندا نەتەوەیێن ئێکگرتی بۆ کاروبارێن ئیراقێ ئامارا مەھا بووری یا قوربانیێن ئالۆزیێن ئیراقێ بەلاڤ کر و تێدا ئاشکرا کر؛ ھەژمارا قوربانیێن بەغدا ژ یێن ھەموو پارێزگەھێن دی یێن ئیراقێ پترە.
تُتاح هذه الصورة أيضا في: کوردی