نێچیرڤان بارزانی و هنارتییێ سهرۆكوهزیرا بریتانیا كۆمبوون
WAAR-دهۆک:
سهرۆكوهزیرێن ههرێما كوردستانێ ئهڤرۆ دگهل هنارتییێن تایبهتێ سهرۆكوهزیرا بریتانیا كۆمبوو و پڕۆژهیا پێكئینانا سوپایێ پرۆفێشینالێ پێشمهرگهی گۆتوبێژ ل سهر كرن.
نێچیرڤان بارزانی ئهڤرۆ دگهل شاندهكێ بلندێ بریتانی كو ژ جهنهرال تۆم بێكێت هنارتیێن سهرۆكوهزیرا بریتانیا بۆ كاروبارێن ئاساییشێ و فرانك بیكهر بالیۆزێ بریتانیا ل ئیراقێ و هندهك بهرپرسێن سهربازی یێن وی وهلاتی كۆم بوو، پێكئینانا سوپایێ پرۆفیشینال و ریفۆرما د وهزارهتا پێشمهرگهی دا گۆتوبێژ ل سهر كرن.
د كۆمبوونێ دا كو قوباد تالهبانی و وهزیرێ پێشمهرگهی ژی ئامادهبوون، شاندێ بریتانیا پهسنا وێ ریفۆرمێ كر كو دێ دوهزارهتا پێشمهرگهی دا هێته كرن، ههروهسا بهردهوامییا پشتهڤانییا سهربازی بۆ ههرێما كوردستانێ دوپات كرن.
ژ ئالیێ خوهڤه، نێچیرڤان بارزانی راگههاند؛ ئهو پرۆژه د كۆمبوونا بهێت یا جڤاتا وهزیران دا دێ هێته پهسهند كرن.
دیار ژی كر، ههموو ئاسانكارییهك بۆ سهرخستنا پڕۆژهی دێ هێنه كرن بۆ وێ یهكێ پێشمهرگه ژی ببیته خودان هێزهكا پرۆفیشینال و پیشهیی.
سهرۆكێ وهزیران و شاندێ بریتانیا قۆناغا پشتی داعشێ ژی گۆتوبێژ ل سهر كرن، نێچیرڤان بارزانی ژی ب پێدڤی زانی، بهغدا بیر ل پرۆسهیهكا سیاسی بۆ مووسلێ بۆ پشتی رزگار كرنا وێ بكهت و ههموو پێكهاتهیێن وی باژاڕی ل خوه بگریت.
دهربارهی پهیوهندی و گرفتێن ههولێر و بهغدا ژی، دوپاتی ل دیالۆگێ د ههموو وارهكی دا هاته كرن.
تُتاح هذه الصورة أيضا في: کوردی