دوو قەراشێن شاریا دخوازن بێنە خانەنشینكرن
تۆرا لالش یا راگەهاندنێ/هۆگر نەجیب
ل سالا 1997 ئاش ل كۆمەلگەها شاریا هاتیە ڤەكرن و نۆكە تنێ دوو ئاش ماینە،سالانە ل وەرزێ پایزێ خەلك گەنمی دبەتە ڤان ئاشان،ژبۆ هێرانێََ و دكەنە ساڤار یان دەهن قوت یان دەهنێ و حەزا خەلكی پتر لسەر دەهنێ كوتلكایە،هەردوو قەراش”میرزا و سالح” ڤان ئاشان ب رێڤە دبەن و هەتا نۆكە ل سەر كارێ خۆ دبەردەوامن و دبێژن پشتی ئازادكرنا عێراقێ ل سالا 2003 كارێ ئاشی سست بوون ب خۆ ڤە دیتیە و داخوازێ ژ حكوومەتا هەرێما كوردستانێ دكن بێنە خانەنشینكرن.
قەراش”میرزا”خودانێ ئێك ژ ئاشێن شاریایە دبێژت:”ژ دەستپێكا سالێن نۆتان دا من و برایێ خۆ صالح ل ئاشێن دهۆكێ كاركریە ،ل سالا 1997 ل كۆمەلگەها شاریا ئاش هاتە ڤەكرن و ئەم لێ بووینە قەراش و هەتا نۆكە دبەردەوامین و هەموو خەلك ژ ئاشی مفاداربوون،هیچ كەسەكێ دی ژبلی مە ب شێوەیەكێ بەردەوام كارنەكریە و قەراشەك هەبوو بناڤێ “سمۆ بیبۆ قاییدی” ئەڤ كارە دكر و ل سالا2004دەست ژ ڤی كاری بەردایە،دەمێ ئامیرەكێ ئاشی ژ كاردكەفت ئەم چارەسەردكەین و ئەگەر دروست نەبت دێ ئێتە هاڤێتن ،ژبەركو ئەو ئامیر نەماینە ل كوردستانێ ،بەری چەند سالەكا من سەرەدانا هەولێرێ كر ژبۆ كرینا بەرەكی نەبتنێ نەبوون،بەلكو بازارێ ئاشان ژی هاتیە راكرن ژ ئالێی وان كەسێن ڤی كاری دكن ،كارێ مە پشتی 2003ێ سست بوویە ژ ئەگەرێ حالخۆشبوونا خەلكی ژ رووێ دارایی ڤە و ل شوونا بێنە ئاشی (دەهن و ساڤار ….هتد) یێ بەرهەڤە ل بازاری و ب نرخەكێ ئەرزان دكرن”.
ژلایەكێ دیڤە”سالح” برایێ میرازییە و ئەو ژی قەراشەكێ ئاشەكێ كۆمەلگەهێ یە گۆت:”دسالێدا ل وەرزێ پایزێ خەلك گەنمی دئیننە ئاشی،ژبۆ هێرانێََ ل دووڤ داخوازیا وان دكەینە ساڤار یان دەهن قوت یان دەهنێ ،نەبتنی خەلكێ شاریا بەلكو ژ دەرڤە ژی دئَێنە ئاشی ،پشتی كارەساتا شنگالێ ب سەرێ مللەتێ مە دا هاتی مە بێ بەرامبەر گەنمێ خەلكێ خۆ یێ ئاوارە هێرا،وەكو برا مە ژ روویێ دارایی یێ مالباتێ ڤە نكارییە ئاشەكی بخۆ ڤەكەین و چاڤێ مە ل حكوومەتێ یە پێنگاڤەكێ بهاڤێژت ژبۆ ڤەكرنا ئاشەكی،ئەم نیسكا و جەهی و برنجی و گەنمی دهێرین و كوتلكا و حەزا خەلكی پتر لسەر دەهنێ كوتلكایە و نرخێ هێرانێ دگونجاینە خەلك ژێ درازینە،ل سالێن نۆتان دا ب شێوەیەكێ بەرچاڤ خەلكی گەنم دهێرا ،لێ پشتی سالا2003 حالخۆشبوونا وەلاتیان و ئینانا (ساڤار و دەهن قوت و نیسك…هتد) ژلایێ بازرگانان ڤە بۆ كوردستانێ ئێدی خەلك سەرەدانا ئاشان ناكن ودگەل پەیدابوونا قەیرانا نۆكە یا دارایی ژی خەلك سەرەدانا ئاشان ناكن.
هەردوو قەراشێن برایێن ئێك”میرزا و سالح” دبێژن:” ژبەركو مە گەلەك دڤی بیاڤی دا كاركریە،داخوازێ ژ حكوومەتا هەرێما كوردستانێ دكەین وان خانەنشین بكن”.
تُتاح هذه الصورة أيضا في: کوردی