وه‌زاره‌تا پێشمه‌رگه به‌رسڤا عه‌ره‌بێن كه‌ركووكێ دده‌ت
وار
وه‌زاره‌تا پێشمه‌رگه، به‌رسڤا عه‌ره‌بێن كه‌ركووكێ دا كو خواستبوون، هێزێن پێشمه‌رگه‌ى پشكداریێ د كونترۆلكرنا باژێڕكێ حه‌ویجه دا نه‌كه‌ن.
ئه‌میندارێ گشتى یێ وه‌زاره‌تا پێشمه‌رگه جه‌بار یاوه‌ر راگه‌هاند، وه‌زاره‌تا پێشمه‌رگه چو پلانه‌ك بۆ كونترۆلكرنا باژێڕكێ حه‌ویجه یێ ل رۆژئاڤایا كه‌ركووكێ دانه‌ڕشتییه و ئاگه‌هدارى چو پلانه‌كێ ژى دڤى واریدا نینه كو وه‌زاره‌تا به‌رگرییا ئیراقێ داڕشتبیت.
داخۆیانییا یاوه‌ر پشتى وێ یه‌كێ هات، كو نوونه‌رێ عه‌ره‌بێن كه‌ركووكێ ل جڤاتا نوونه‌رێن ئیراقێ، خالد مه‌فره‌جى راگه‌هاندبوو، ئه‌و دخوازن وه‌لاتیێن ناوچه‌یێ بخوه باژێڕكێ خوه حه‌ویجه كونترۆلبكه‌ن، ل ژێر بالاده‌ستییا سوپایێ ئیراقێ و هێزێن حه‌شدا عه‌شائیرى، هێزێن پێشمه‌رگه‌ى ژى پشته‌ڤانییا وان بكه‌ن.
باژێڕكێ حه‌ویجه یه‌ك ژ ده‌ڤه‌رداریێن رۆژئاڤایا كه‌ركووكێ یه و ب پێگه‌هه‌گێ گرنگ یێ داعشێ دهێته زانین.
تُتاح هذه الصورة أيضا في: کوردی