زانكۆیا دهۆكێ پله‌یا ئێكێ ل كوردستانێ و پله‌یا دووێ ل عێ
راقێ بده‌ستڤه دئینیت
دواڕۆژ:
زانكۆیا دهۆكێ د پیڤه‌رێ هه‌ژمارا خواندنا ڤه‌كۆلینێن زانستی یێن هه‌ر زانكۆیه‌كێ، ب گۆڕه‌ی به‌رنامه‌یێ جیهانیێ ویومیتریک (Webometric)یێ كۆمپانییا گۆگل، ل كوردستانێ ل رێزا ئێكێ و ل ئیراقێ د رێزا دووێ دا دهێت.
د. سه‌باح هاریكارێ سه‌رۆكێ زانكۆیا دهۆكێ بۆ كاروبارێن زانستی بۆ دواڕۆژ گۆت: “كۆمپانییا گۆگل ب رێكا به‌رنامه‌یێ (Google Scholar) خشته‌یه‌ك ژوان وان زانكۆیان به‌لاڤ كرییه كو ڤه‌كۆلینێن وان یێن ماسته‌ر و دكتۆرایێ كو ل سایت و گۆڤارێن جیهانی به‌لاڤ بووینه پترین جاران هاتینه خواندن و بكارئینان و تێدا زانكۆیا دهۆكێ پله‌یا ئێکێ ل کوردستانێ و یا دووێ ل عیراقێ پشتی زانكۆیا دیالا و یا (3077) ل سەرانسەری زانکۆیێن جیهانێ بدەستڤه ئینایه”.
هاریكارێ سه‌رۆكێ زانكۆیا دهۆكێ بۆ كاروبارێن زانستی خویاكر ژی؛ “ئه‌ڤ ده‌ستكه‌فته ب تنێ د ئێك پیڤه‌ر دایه و بۆ دو هه‌فتیێن بهێت ئه‌ڤ كۆمپانییه دێ خشته‌یه‌كا دی یا زانكۆیان د پیڤه‌ره‌كێ نوو دا به‌لاڤ كه‌ت و ل هیڤیێنه بزانین كا ل وێرێ دێ چو رێز بده‌ستخوه‌ڤه ئینین، لێ ئه‌ڤ ده‌ستكه‌فته نیشان دده‌ت كو زانكۆیا دهۆكێ د بوارێ كوالێتییا ڤه‌كۆلینێن زانستی دا هاتییه پێش، هه‌ر چه‌نده حه‌زێن مه پترن لێ ئه‌ڤه ژی ده‌ستكه‌فته‌كێ باشه”.
د. سه‌باح ئاماژه ب هندێ دا كو؛ “زانكۆیا دهۆكێ دشیا ل پله‌یا ئێكێ بهێت، لێ چونكو ئه‌و هه‌موو مامۆستایێن ژ نه‌ینه‌وا و پارێزگه‌هێن دی ئاواره بووینه هه‌موویان ڤه‌كۆلینێن خوه ب ناڤێ زانكۆیا دیالا هنارتبوون له‌وا ئه‌و زانكۆ ل رێزا ئێكێ هات”.
تُتاح هذه الصورة أيضا في: کوردی