بەشهكێ یاهويى هاته فرۆشتن
خەندان
سەرچاوەکانی هەواڵ بهڵاویانکردەوە، بەشێکی گەورە کۆمپانیای بواری ئینتەرنێت، یاهو لەلایەن بەڕێوبەرانییەوە فڕۆشرا بە کۆمپانیایەکی ئەمریکی کە لە بواری مۆبایل و پەیوەندی و وێب دا چەندین ساڵە کاردەکەن.
لەوبارەیەوە ئاژانسی رۆیتەرز بڵاویکردەوە، کۆمپانیای ڤێریزۆنی ئەمریکی بەشە بازرگانییەکەی کۆمپانیای یاهوی بەبەهای ٤.٨ ملیار دۆلار کڕییەوەو بونەتە خاوەنی پشک لەو کۆمپانیایە.
هەروەها رۆیتەرز ئاماژەشی بەوەداوە هەریەکە لە کۆمپانیاکانی ئەلی بابا و یاهوی ژاپۆنی بەرێژەکانی %١٥ و %٣٥،٥ پشکیان لە کۆمپانیاکەدا هەیە کە بەهاکەی دەگاتە ٤٠ ملیار دۆلار.
پێگەی فەرمی یاهو چەندین بەش و خزمەتگوزاریی گرنگ لە خۆدەگرێت، کە هەریەک لەو بەشانە ساڵانە بە رێژەیەکی زۆر داهاتی هەیە، بەشی “Finance” یەکێکە لەو بەشە گرنگانەی کۆمپانیای یاهو کە بازرگانی پێوەدەکرێت و پارەیەکی زۆر بۆ کۆمپانیاکە رادەکێشێت، لە ئێستادا ئەو بەشەش لەلایەن ڤێریزۆنەوە کڕدرایەوە.
تُتاح هذه الصورة أيضا في: کوردی