مەكتەبا سیاسی يا پارتی ب سەرۆكایەتی بارزانی كۆمبوو
رووداو – هەولێر
بە سەرۆكایەتی مەسعود بارزانی، سەرۆكی پارتی دیموكراتی كوردستان، مەكتەبی سیاسی ئەو حیزبە كۆدەبێتەوە. ئەندامێكی مەكتەبی سیاسی پارتی دەڵێت “كۆبوونەوەكە بۆ حاڵەتێكی بەپەلە نییە و كۆبوونەوەی ئاسایی مەكتەبی سیاسییە”.
سەڵاح دەلۆ، ئەندامی مەكتەبی سیاسی پارتی دیموكراتی كوردستان بە (تۆڕی میدیایی رووداو)ی راگەیاند، پاشنیوەڕۆی رۆژی چوارشەممە 10-8-2016 لە سەلاحەدین، مەكتەبی سیاسی پارتی بە سەرۆكایەتی مەسعود بارزانی، سەرۆكی هەرێمی كوردستان كۆدەبێتەوە.
سەڵاح دەلۆ گوتیشی “كۆبوونەوەكە بۆ حاڵەتێكی دیاریكراو بەپەلە نییە، بەڵكو كۆبوونەوەیەكی ئاسایی مەكتەبی سیاسییە، بەڵام بەدڵنیایەوە باسی دۆخی سیاسی كوردستان و عێراق و شەڕی داعش دەكرێت”.
كۆبوونەوەی مەكتەب سیاسی پارتی لە كاتێكدایە، بەمەبەستی لێكنزیككردنەوەی لایەنەكان و تێپەڕاندنی دۆخی چەقبەستووی سیاسی هەرێمی كوردستان، د.فوئاد حوسێن، وەك نوێنەری بارزانی دەستیكردووە بە گەڕی دوومی سەردانەكانی بۆ لای لایەنە سیاسیەكان، تاوەكو ئێستاش سەردانی هەریەك لە عەلی باپیر ئەمیری كۆمەڵی ئیسلامی و سەڵاحەدین بەهائەدین، ئەمینداری گشتی یەكگرتووی ئیسلامی كردووە.
تُتاح هذه الصورة أيضا في: کوردی