پێكهاتێن ناوچەداریا باشیكێ داخوازیەكێ ئاراستەی سەرۆكێ هەرێما كوردستانێ دكن
تۆرا لالش یا راگەهاندنێ
پێكهاتێن ناوچەداریا باشیكێ،داخوازیەكێ ئاراستەی سەرۆكێ هەرێما كوردستانێ(مەسعوود بارزانی) دكن و دخوازن دەڤەرا وان ژ دەستێ تیرۆرستێن داعشێ بێتە رزگاركرن.
سەرۆكێ جڤاتا ناوچەداریا باشیكێ(داسن قەوال سلێمان)بۆ دەنگێ لالش دیاركر،داخوازیا مە یا ئێكێ و یا داویێ ئەوە لەز بێتە كرن بۆ رزگاركرنا باشیكێ،ژبۆ كێمكرنا زەرەرا پێ دكەفت،ژبەركو چەند ماوەیێ مانا داعشێ درێژ بتن دێ پەقین و ژناڤبرن هەبن و پتر زەرەر ب ژێرخانێ و فەرمانگەهێن خزمەتكاریێ و مالێن وەلاتیان كەڤن،بەلێ هندی زەرەر كێمن بن دێ پالدەرەكێ بهێز و ساناهی بن بۆ ڤەگەریانا خەلكێ بۆ سەر مالێن خۆ و گۆت:(( داخوازیا هەموو پێكهاتێن باشیكێ ژ سەرۆكێ هەرێما كوردستانێ(مەسعوود بارزانی) ئەوە لەز دئازادكرنا دەڤەرا وان ژ دەستێ تیرۆرستێن داعشێ بێتە كرن)). ئاماژەكر ژی پشتی رزگاركرنا دەڤەرێن مە داخواز دكەین دراڤ بێتە تەرخانكرن بۆ دابینكرنا خزمەتكاریێن فەر،دا وەلاتی بكارن ل باژێرێ بژین دەمێ ڤەدگەرن.
گۆتژی ئاستەنگ و بەربەست رۆژانە یێ زێدە دبن بۆ ژیانا ل كەمپان و ل خانیێن ب كرێ دا،هندی ماوێ دەربەدەریێ درێژ ببتن،ئاریشە بۆ خەلكێ پەیدا دبن،ژوانا ئاریشێن دەروونی و ساخلەمی و ئابووری و پەروەردەیی.
تُتاح هذه الصورة أيضا في: کوردی