تـۆرا لالش
ئیرۆ ل رێکەفتی 24.12.2025ێ، ب ئامادهبوونا سهرۆك و ئهندامێن دهستهیا بلند، و ژمارهیهكا ئافرهت و كهسایهتیێن حكومی و حزبی ب پشتەڤانیا بنگەهێ لالش، رێکخراوا داک یا گەشەپێدانا ژنا ئێزدی ب هەماهەنگی دگەل بەرنامێ گەشەپێدانا نەتەوەیێن هەڤگرتی(UNDP)، روونشتنەکا ڤەکری ل دۆر بهێزکرنا رۆلێ ژنێ د کێمکرنا گوتارا تووندوتیژ ل هەمبەر ژنێ و پاراستنا وێ ژ وێ ڤێ گوتارێ(تعزيز دور النساء في التلقيل من خطاب الكراهية) ل بنگەهێ لالـش ل دهۆکێ هاتە بەحسکرن.
ل دهستپێكێ وهك ڕێزگرتن ل سهر گيانێ پاكێ جانگۆريێن كوردستانێ سهروهرێ وان بارزانيێ نهمر و كاك ئهدريسێ جوانه مهرگ ئامادهبوويى خۆلهكهكێ سهكنين.
دووڤده سهرۆكێ بنگههێ لالـش سـهعـیـد جـردۆ پهیڤهك ل دۆر ڤی بابهتی پێشكێشكر و دا دیاركرن ههرگۆتنهك و كریارهك ببته هاندهرهك بۆ شكاندنا ژنـێ توندوتیژییه ل دژی ژنێ و ههر وهلاتهك رێزێ ل مافێ ژنێ نهگرت یاسایێن پاراستنا مافێ ژنێ ل وی وهلاتی سهرناگرن.
گۆتژی: ژن ئاڤاكارا خێزانێ یه ژبهركو ههر جیلهك ل بهردهستێ وێ دهێته پهروهردهكرن، ههروهسان حكومهتا ههرێما كوردستانێ بهردهوام پشتهڤانیا مافـێ ژنێ كریه.
دووڤدا د.طاهرة بهائی پسپۆرا تایبهتمهندیا دهروونـی و چالاكڤانا مافێ ژنێ ل دۆر چاوانیا كێمكرنا گوتارا توندوتیژ بهرامبهر ئافرهتان ئاخڤی و ههروهسان بهحس ل كهلتوورێ بهێز یێ پاراستنا ئافرهتێ دناڤ خێزانێ دا كر و ب گرنگ قهلهم ده و د دیتنا وێ دا پاراستنا ئافرهتێ دناڤ خێزانێ ده دهستپێدكهت و خواست كهلتوورێ ئاشتیێ بهرفرههـ تر بت.
پاشان سوزان سهفهر بهرپرسا رێكخراوا داك یا گهشهپێدانا ژنا ئێزدی، گرنگیا ڤی پرۆژهی ل كوردستانێ و عیراقێ و تایبهت ل دهۆكێ دیاركر، و ناڤهاتیێ گرنگیا ڤی پرۆژهی ل ههموو دهڤهران دووپات كر.
تُتاح هذه الصورة أيضا في: کوردی