تۆرا لالـش
ل رێككهفتی 23 -12-2025، ب ئامادهبوونا رهوشهنبیر و نڤیسهر و كهسایهتی و خهلكێ دهڤهرێ د رێ رهسمهكا ژ ههژی دا پەرتووکا خدرێ شڤان یا نڤیسهرێ وێ جهمال دهرۆیش ب پشتهڤانیا بنگەهێ لالش تایێ خانکێ هاتە ئیمزاكرن.
ل دهستپێكێ وهك ڕێزگرتن ل سهر گيانێ پاكێ جانگۆريێن كوردستانێ سهروهرێ وان بارزانيێ نهمر و كاك ئهدريسێ جوانه مهرگ ئامادهبوويى خۆلهكهكێ سهكنين.
دووڤدا نڤیسهری باس ل ناڤهرۆكا پهرتۆكا خۆ كر و دیاركر ناڤهرۆكا پهرتووكا من ژ رۆمانهكێ پێكدئێت، بهحس ل جیرانیا دوو بنهمالان دكهت ژ مالێن حهسهن و میرزا و بهحسێ وان ههموو روودانان دكهت یێن دناڤبهرا وان ده رووداین، بهلێ پا ناڤهرۆكێ چ پهیوهندی ب خدرێ شڤان ڤه نینه و ناڤهاتی خهلكێ ناحیا خانكێ بوو و ههتا د ژیانێ دابوو ههر كهسهكی ههژار و دهستكورت بوو لهوران وهكو رێزگرتن بۆ رهنج و زهحمهتیا وی من ناڤێ پهرتووكا خۆ كره خدرێ شڤان، ژبهركو د رۆمانێ دا كهسهك ههیه شڤانه و ئهوژی یێ ههژاره و ناڤێ وی ژی خدرێ شڤانه
پاشان دانوستاندنەکا ب تێر و تەسەڵ و گەنگەشەکا پر ب مفا دناڤبەرا ئامادەبوویان دا پەیدابوو، بەرسڤا تێبینی و پرسیاران ژلایێ نڤيسهرى ڤه هاتنە دان و پهرتووك ژ ئالیێ نڤیسهری هاته ئیمزاكرن و ل سهر ئامادهبوویان هاته دابهشكرن
تُتاح هذه الصورة أيضا في: کوردی