هونەرمەند تارق شێخانی مژوولی تۆماركرنا سێ سترانایە
سالار فائز
ستران بێژێ گەنج تارق شێخانی،كو ئەڤە دەمەكە ل وەلاتێ ئەلمانیا دژیت،خواست درێیا رۆژناما ئەڤرۆ دا بێژت حەزژێكەرێن دەنگێ خوە ئەو نوكە مژوولی تۆماركرنا سێ سترانێن نوویە،هەروەسا هندەك جاران ل وی وەلاتی دچیتە ئاهەنگ و شەهیانێن كوردان،ب تایبەت ژی شەهیانێن بووك و زاڤا،هەروەسا ئاهەنگێن ژ دایكبوونێ.
تارق گۆت:سترانا ئەز خۆرتم و سترانا ئێزدیخانە،هەردوو ژ پەیڤێن حەجی قەیرانی و ئاوازێن منن،سترانا سیێ ژی فلكلۆری یە،دبەرنامێ من دایە ل دەستپێكێ هەردوو سترانێن ناڤبری پاش یا فلكلۆری كلیپ بكەن،وهیڤیا من ئەوە ب رێیا وان سترانان بشێم هندەك ئازارێن خووشك و برایێن مە یێن ئێزدی كێم بكەم و هەڤپشكێ خەمێن وان بم.
دلایەكێ دی دا گۆت:پشتی هاتنا داعش هەتا رادەكی شێوێ سترانێ هاتە گوهۆرین،ئانكو ل جهێ سترانا ئەڤینی بوو سترانا نەتەوەیی و شۆرشگێرین و ئەڤ چەندە ئەركەكێ بچووكە ژ هەموو هونەرمەندان نەبەس سترانبێژان،بەلكو شێوەكار و شانۆڤان و فلمازان ژی دهێتە خواستن ب رێیا هونەرێ خوە هۆڤایەتیا داعش و كار و كریارێن وان یێن درندانە بۆ خەلكێ جیهانێ بدەنە دیاركرن.
تُتاح هذه الصورة أيضا في: کوردی