دوو خۆكوژێن داعش ل گونده‌كێ خورماتوو 12 كەسان دكەنە قوربانی
رووداو- خورماتوو
بەرەبەیانی ئەمڕۆ خۆکوژێک ئۆتۆمبێلێکی بۆمبڕێژکراوی لە گوندێكی خورماتوو تەقاندەوە و دوای کۆبوونەوەی خەڵک، خۆکوژێکی دیکە خۆی تەقاندەوە و بەهۆیەوە 12 کەس بوونە قوربانی.
شەلال عەبدول، قائیمقامی قەزای خورماتوو لە پارێزگای سەڵاحەددین بە (تۆڕی میدیایی رووداو)ی راگەیاند، کاژێر 1:30 بەرەبەیانی ئەمڕۆ شەممە 3-9-2016 خۆکوژێک ئۆتۆمبێلێکی لە گوندی شاسەیوان تەقاندووەتەوە.
قائیمقامی قەزای خورماتوو، روونیکردەوە “دوای تەقاندنەوەی ئۆتۆمبێلەکە و هاتنەدەرەوەی خەڵک، تیرۆریستێک تەقەی لە خەڵک کردووە، دواتریش خۆی تەقاندووەتەوە و لە ئەنجامدا شەش کەس کوژراون و شەشی دیکەش برینداربوون”.
بەگوتەی قائیمقامی خورماتوو كوژراو و بریندارەكان توركمانی شیعە مەزهەبن و كوردیان تێدا نییە.
گوندی شاسەیوان حەوت كیلۆمەتر لە باکووری خورماتوو دوورە و زۆربەی دانیشتوانەکەی کورد و تورکمانی شیعە مەزهەبن.
تُتاح هذه الصورة أيضا في: کوردی