باوەرنامە ل 22كچ و ژنان ل سنوونێ هاتنە بەلاڤكرن
تۆرا لالش یا راگەهاندنێ
پشتی 20رۆژێن فێركرنێ،خۆلەكا فێركرنا دروارێ بۆ 22كچ و ژنان ل ناوچەدارییا سنوونێ،ئیرۆ 21ئەیلولا 2016ێ ب داوی هات،كو ژلایێ دەزگەهێ خێرخوازیێ بارزانی و بنگەهێ لالش تایێ سنوونێ و ئێكەتیا ژنێن كوردستانێ لقێ شنگال بهڤكاری لگەل رێكخراوا سنوونێ بۆ گەشەپێدانا جڤاكی و نڤیسینگەها لالش بیرئادام هاتبوو ڤەكرن.
ب ئامادەبوونا”پیر دەیان جەعفەر”رێڤەبەرێ نڤیسینگەها شنگال یا دەزگەهێ خێرخوازیێ بارزانی و جێگرێ وی”سەعید تەتەر” و “مەروان شێخ حەسەن”بەرپرسێ بەشێ رەوشەنبیری ل دەزگەهی و “سلێمان فانۆ”بەرپرسێ بنگەهێ لالش تایێ سنوونێ و “شەهاب حەجی”بەرپرسێ لژنا دارایی ل بنگەهی و هەرئێك ژ “ئەمەل عەزیز” و “گولیستان قاسم”ژ ئێكەتیا ژنێن كوردستانێ لژنا سنوونێ و ژمارەكا مێڤانان،خۆلەكا فێركرنا دروارێ بۆ 22كچ و ژنان ل ناوچەدارییا سنوونێ ب داوی هات ول داویێ باوەرنامە ل سەر پشكداران هاتنە بەلاڤكرن.
ژبال خۆڤە پشكداران سوپاسیێن خۆ ئاراستەی جهێن ب ڤەكرنا ڤێ خۆلێ رابووین كرن و خواستن پتر خۆل بێنە ڤەكرن.
تُتاح هذه الصورة أيضا في: کوردی