ئیراق: ئیمزا بۆ لێپرسینێ د گەل وەزیرێ دەرڤە دھێنە کۆم کرن
waar – دهوك :
ب بەرھەڤبوونا سەد و شێست و ھەشت پەرلەمانتاران، کۆمبوونا پەرلەمانێ ئیراقێ ئەڤرۆ دەست پێ کر، د کۆمبوونێ ژی دا ئیمزا بۆ ژێستاندنا باوەریێ ژ وەزیرێ دەرڤەیێ ئیراقێ ھاتنە کۆمکرن.
د روونشتنا ئەڤرۆ یا پەرلەمانێ ئیراقێ دا، یازدە بابەت و پرۆژە دێ ھێنە گۆتوبێژ کرن، ژ وانا قەیرانا ئاکنجیبوونێ و کێشەیێن ئاڤێ و کارەبێ.
ژێدەرێن پەرلەمانی ئاشکرا دکەن؛ لژنا لێپرسینێ تا نھا شازدە بادەکێن تایبەت ب وەزارەتا دەرڤە ڤە بەرھەڤ کرینە، تۆمەتێن گەندەلییا دارایی و کارگێری د ناڤ دا ھەنە، ل نێزیک ژی دێ بۆ جڤاتێ ھێنە بلندکرن، پشتی وێ یەکێ ئیبراھیم جەعفەری، وەزیرێ دەرڤە دێ بۆ پەرلەمانی ھێتە گازیکرن و لێپرسین د گەل دا ھێتە کرن.
عادل نووری، پەرلەمانتارێ کورد ل پەرلەمانێ ئیراقێ راگەھاند؛ تا نھا حەفتێ ئیمزا بۆ لێپرسینا د گەل ئیبراھیم جەعفەری دا ھاتینە کۆمکرن.
ژێدەرێن پەرلەمانی ئاشکرا ژی کر، ھندەک بادەک ل دۆر ھندەک وەزارەتێن دی ژی ھاتینە بەرھەڤکرن، ژ وانا وەزارەتا پەروەردێ و چاندنێ و ساخلەمیێ، ل نێزک ژی ئەو بادەک دێ بۆ جڤاتێ ھێنە بلندکرن و وەزیرێن پەیوەندیدار دێ ھێنە گازیکرن بۆ لێپرسینێ.
تُتاح هذه الصورة أيضا في: کوردی