وهزیرێ پهروهردێ: بایكۆت چارهیا چو كێشهیان ناكهت
waar – دهوك :
وهزیرێ پهروهردێ یێ حكومهتا ههرێما كوردستانێ، پشتهڤانیا خوه بۆ داخوازیێن رهوایێن ماموستایان راگههاند و دیاركر، بایكۆت چارهیا چو كێشهیان ناكهت.
پشتیوان سادق، وهزیرێ پهروهردێ یێ حكومهتا ههرێما كوردستانێ، ئهڤرۆ ل ئێك ژ قوتابخانهیێن باژاركێ مهخموورێ، زهنگا سالا نوویا خواندنێ لێدا و د گۆتارهكێ دا راگههاند؛ ههرچهند داخوازیێن ماموستایان د رهوانه، لێ نابیت دگهل سیاسهتێ بهێنه تێكهلكرن و ببیته ئهگهرێ ژ دهست دانا سالهكا پهروهرده و فێركرنا قوتابییان.
گۆت ژی: بایكۆت ل هند باژارێن ههرێمێ هاتیه كرن، لێ ئهو گاڤ چارهیا چو كێشهیان ناكهت و بزاڤ دێ هێتهكرن، دهواما ئاسایی دهستپێبكهت و بایكۆت نهمینیت.
وهزیرێ پهروهردێ ماموستا پشتراستكرن كو وهزارهت دێ بهرهڤانیكهرا سهرهكی یا مافێن وان بیت و بزاڤێ كهت رهوشا ژیارا وان باشتر لێ كهت و گۆت ژی: ماموستا ژ ههر پێرابوونهكا یاسایی مهزنترن و ئهو ناهێلن ژبهر بایكۆتێ، پێرابوون دگهل ماموستایان بهێنهكرن.
ل گۆری گۆتنا وهزیرێ پهروهردێ، ئهڤ ساله 120 هزار قوتابی دێ ل پۆلا ئێكێ دهست ب خواندنێ كهن و ههموو پێدڤیێن خواندنێ بۆ هاتینه دابینكرن.
تُتاح هذه الصورة أيضا في: کوردی