بارزانی: هێزێن پێشمهرگهی ب تهمامی پابهندی بجهئینانا رێككهڤتنا رزگاركرنا مووسلێ نه
waar – دهوك :
سهرۆكێ ههرێما كوردستانێ راگههاند؛ ههرێما كوردستانێ و بهغدا، لدۆر چهوانییا رزگاركرنا باژارێ مووسلێ و پێكئینانا كۆمیتهیهكێ بۆ پشتی رزگاركرنا وی باژاری، رێككهڤتینه و هێزێن پێشمهرگهی ژی، ب تهمامی پابهندی بجهئینانا رێككهڤتنا رزگاركرنا مووسلێ نه.
مهسعوود بارزانی سهرۆكێ ههرێما كوردستانێ، پهیامهك ل دۆر ئامادهكارییێن شهڕێ رزگاركرنا مووسلێ بهلاڤكر و تێدا دیاركر، دهمهكێ درێژه، د راگههاندن و ناڤهندێن سیاسی یێن ناڤخوه و دهرڤه دا، باس ل ئامادهكاریێن رزگاركرنا مووسلێ دهێته كرن و شكاندنا داعشێ و رزگاركرنا مووسلێ ژی، بۆ ههرێما كوردستانێ گرنگیا خوهیا تایبهت ههیه و كارێ دهستپێكی یی سیاسهتا ههرێمی یه.
ئاماژهكرییه ژی، کو د رێككهڤتنا پیشمهرگهی و سوپایێ ئیراقێ دا، كار و ئهركێ سهربازی یێ ههموو هێز و یهكهیێن پشكدار د ئۆپهراسیۆنێ دا، ب هووری هاتینه دیاركرن، ههماههنگییا تهمام ژی د ناڤبهرا ههردو ئالییان دا ههیه، داكو چو بوویهرێن نهخواستی روونهدهن.
بارزانی هیڤی خواستییه، كو ئۆپهراسیۆنا مووسلێ ب سهركهڤتیانه بهێته كرن و دایه زانین، كو ههولێر و بهغدا، لسهر پێكئینانا كۆمیتهیهكا سیاسی یا بلند بۆ كونترۆلكرن و سهرپهرشتیكرنا رهوش و پیشهاتێن، پشتی رزگاركرنا مووسلی، رێككهڤتینه.
تُتاح هذه الصورة أيضا في: کوردی