٧٠٠ خێزانێن کوردێن شەبەک ئاوارەی ھەرێما کوردستانێ بوون
waar – دهوك :
نێزیکی حەفتسەد خێزانێن کوردێن شەبەک ژ دەستێ تیرۆرستێن داعشێ قۆرتال بوون و خوە گەھاندە سنۆرێن ھەرێما کوردستانێ، ل بەرەیێ خازری پێشوازی لێ ھاتە کرن و پشتی پشکنینێ ل کەمپا خازری ھاتنە ئاکنجیکرن.
ئەفسەرەکێ پێشمەرگەی ل بەرەیێ خازری ئاشکرا کر؛ وان پێشوازی ل نێزیکی حەفتسەد خێزانێن کوردێن شەبەک یێن ژ گوندێ تۆپزاوە ئاوارە بووین کر، پشتی پشکنینا وان ئەو ئاوارە بۆ کەمپا خازری ھاتنە ڤەگۆھاستن.
د ناڤ وان ئاوارەیان دا ھژمارەکا ژن و زارۆیان ھەبوون، وەکو مەزنان سەرێ و لەشێ وان تۆزکەوی بوون، ژبەر وان رێیێن ئەو ژێ دەرباز بووین، ھژمارەکا ژنان ژی ھێشا ب پێچە بوون، داعشێ ژی ب زۆری جلکێن رەش ل بەر وان کر بوون.
پشکەکا وان ئاوارەیان ل سەر رێکێ ل بەر ترۆمبێلێن خوە مژوول ریھـ تراشینێ بوون، کو داعشێ ب زۆری پێ دابوونە بەردان.
به‌لاڤكرن
0 0 0 0 0
تُتاح هذه الصورة أيضا في: کوردی