ئایفۆنا هەشت دێ يا جێواز بت
خەندان 
چەند سەرچاوەیەکی نزیک لە کۆمپانیای ئەپڵی ئەمریکی رایانگەیاند لە ئایفۆنە نوێیەکەی ساڵی داهاتوودا، گۆڕانکاریی بەرچاوی تیادا دەکرێت و تەکنیکی نوێی بۆ بەکاردەهێنرێت.
لە مانگی ئەیلولی ئەمساڵ کۆمپانیای ئەپڵ توانی ئایفۆن حەوت بەرهەمبهێنێت و بیخاتە بازاڕەکانی جیهانەوە، بەڵام جیاوازییەکی ئەوتۆی لەگەڵ ئایفۆن شەشدا نەبوو.
هەربۆیە واچاوەڕوان دەکرێت لە ساڵی داهاتوو ئەپڵ ئایفۆن هەشت دروست بکات و بە تایبەتمەندییەکانی بەکارهێنەر سەرسام بکات و دووبارە بە تەکنیکی نوێوە بگەڕێتەوە.
لەوبارەیەوە جینگ هو تای بەڕێوبەری جێبەجێکاری کۆمپانیای شارپ رایگەیاند ئایفۆن لە گەشەکردندایە و تەکنیکی نوێی بۆ بەکاردەهێنرێت لەوانەش (OLED)ـە کە شێوەیەکی جوانترو باشتر بە شاشەکەی دەدات.
لە تایبەتمەندییە گرنگەکانی ئۆلێد (OLED) بریتییە لەوەی وزەیەکی کەمی دەوێت و هەم تێچووەکەشی بڕێکی کەمە، هەربۆیە هەم سودی بۆ باتری ئایفۆنی داهاتوو دەبێت هەم لەرووی نرخیشەوە بەبەراورد بە شاشەکانی دیکە کەمترە.
هەروەها سەرچاوەکانی دیکەش ئاماژەیان بەوەداوە، شاشەی ئایفۆن هەشت 5.5 ئینج دەبێت بۆ ئەوەی بتوانرێت ئۆلێدی لەسەر جێگیربکرێت و ئاسان بێت بۆ بەکارهێنان.
تُتاح هذه الصورة أيضا في: کوردی