شاهجوانا عەردی بۆ سالا ٢٠١٦ێ هاتە هەلبژاردن
ئێن ئارتى
هەلبژاردنا شاهجوانا جیهانی یا عەردی بۆ سالا ٢٠١٦ێ هاتە ئەنجامدان و ئەو کچا کورد یا کو نوینەرایەتیا عیراقێ دکر نەشیا چ پلەیەکێ بدەست بینیت.
ب بەشداریا شاهجوانا عەردی یا وەلاتێن جیهانێ ل مانێلا یا پایتەختێ فیلیپین ٢٩ێ تەشرینا ئێکەم یا ٢٠١٦ێ هەلبژاردانا شاهجوانا جیهانی یا عەردی هاتە سازکرن و تێدا شاهجوانا کۆلۆمبیا (کاسرین ئیسپن) بوویە خودانا وێ نازناڤێ.
هەر د وێ هەلبژاردنێ دا شاهجوانا ئیکوادۆر میشیل گۆمێز بوویە شاهجوانا هەوا و ستیڤانی درزۆلازی یا فەنزۆێلی بوویە شاهجوانا ئاڤێ و بورنا زاناردۆ یا بەرازیلی ژی بوویە شاهجوانا ئاگری.
بۆ ئیسال سۆزان سڵیمانی کچا کورد کو وەکی نوینەرا عیراقێ بۆ سالا ٢٠١٥ێ بەشداری د هەلبژاردنا شاهجوانا جیهانی یا عەردی دا کربوو نەکاری ببیتە خودانا چ نازناڤەکێ.
کاسرین ئیسپین یا تەمەن ٢٣ سالی د بوارێ پەروەردە و ژینگەها زارۆکان دا کار دکەت و د داخویانەیەکێ دا پشتی بدەستئانینا وێ نازناڤێ گۆت ” چ تشتەک زەحمەت نینە و ئەگەر ب دل و جانبیت، خەونا مرۆڤی دێ هەر بیتە راستی”.
هەلبژاردنا شاهجوانا جیهانی یا عەردی ل سالا ٢٠٠١ێ ل وەلاتێ فیلیپین هاتیە رێکخستن و ب ئالیکاریا وەزارەتا پیشەسازی تێ ئەنجامدان.
تُتاح هذه الصورة أيضا في: کوردی