بنگەھێ لالش تایێ شێخان پشکداريێ دڕێ و ڕهسمێن جەژنا پیرا( کەشکاپیرا)دا دكت
تۆرا لالش يا راگههاندنێ
ل ڕۆژێن پێنج شەمبوویێ و ئینیێ ٢٨- ٢٩ ⁄ ١٢ ⁄ ٢٠١٦ شاندهكێ بنگەھێ لالش تايێ شێخان،پشکداری دڕێ و ڕهسمێن جەژنا پیرا ( کەشکاپیرا) ل قەزا شێخان كر.
شاندێ بنگەھێ لالش سەرەدانا مالا پیر “بریم پیر عەلی” کر ئێکە ژ پیرێن پیرافاتا ل قەزا شێخان ب مەرەما پشکداری کرنێ دڕێ و ڕسمێن جەژنا بێلندێن پیرا تێتە ھژماڕتن کو ئێکە ژ جەژنێن کەڤنار ل سەرانسەری دەڤەرێن ئێزدیان تێتە گێڕان ژلایێ پیرێن پیرافات ڤە.
ئەڤ جەژنه دکەڤتە ئینییا ئێکێ ژ چلێ زڤستانێ و ئەقێ جەژنێ چەند ڕێ و ڕسمێن تایبەت ھەنە وەکو یە دیارە ل ھێڤارا وێ خەلک دان وخۆی و کەشکا دبەنە مالا پیری و ل ھێڤارا ئینیێ چەند قەول و بەیت تێنە گۆتن ژلایێ زانایێن ئۆلا ئێزدیان ڤە،ب بهرههڤبوونا نوونەرێ میرێ شێخان ڤە و بابێ شێخ و ل داویێ زادێ کەشکێ تێتە دانان و پاشیڤێ ژی دێ گێڕن.
ههروهسا ب شەڤێ چەند ژنێن دان عەمر و کچ ل مالا پیرێ شەڤی دبن داکو زادێ کەشکێ ئامادەکەن بۆ ڕۆژا پاشتر ، ل ڕۆژا ئینیێ دگەل ڕۆژھهلاتی خەلک دێ قەستا مالا پیری کەن،داکو جەژنا وان پیرۆزکەن و زادێ کەشکێ بخۆن و کچ و زاڕۆک ژی ئامادەدبن دا ئەوێ گەشکێ ل سەر مالا بەلاڤ کەن.
تُتاح هذه الصورة أيضا في: کوردی