ل قوتابخانا دێرەبوونێ رێكخراوەك پێنچ كەرەڤانان بۆ ژۆرێن خووندنێ دروست دكت
تۆرا لالش یا راگەهاندنێ
رێكخراوا قەندیل ب هەڤكاریا (UNHCR)،چار كەرەڤانان وەك ژۆرێن خواندنێ و كەرەڤانەك بۆ بێنڤەدانا مامۆستایان ل قوتابخانا دێرەبوونێ یا بنەرەتی دروستكرن و كورسیكێن روونشتنێ بۆ قوتابیان دابینكرن.
رێزان كجل،رێڤەبەرێ قوتابخانا دێرەبوونێ یا بنەرەتی بۆ رۆژناما دەنگێ لالش گۆت:”ژبەر نەبوونا جهی و ژۆرێن خووندنێ رێكخراوا قەندیل ب هەڤكاریا (UNHCR) رابوویە ب دروستكرنا چار كەرەڤانان وەك ژۆرێن خووندنێ ودگەل كەرەڤانەكێ بۆ بێنڤەدانا مامۆستایان و دابینكرنا ژمارەكا كورسیكێن نوو یێن روونشتنێ بۆ قوتابیان ل قوتابخانێ،نەبوونا جهی و ژۆرێن خووندنێ ئێك ژ مەزنترین ئاریشەیا بوو ل قوتابخانێ،ئەو ژی هەرسێ پۆلێن هەفتێ و هەشتێ و نەهێ دگەل قۆناغا ئامادەیی دەواما خۆ دكرن وجهێ سۆپاسیێ یە رێكخراوا ناڤبری خۆ ل ئاریشەیا مە كرە خودان و ئەڤ كەرەڤانە ب شێوەیەكێ جوان و رێك و پێك بۆ مە دروستكرن،ژبۆ وێ یەكێ پرۆسا خووندنێ یا بەردەوام بت”.
ریزانی ئەو چەندە ژی خویاكر:”ڤێ رێكخراوێ هیچ درێخی بۆ مە نەكریە و بەری نۆكە ژی ب كارێ نووژەنكرنا قوتابخانێ رابوویە،گەلەك كێماسی و كەل و پەل و پێتڤیاتی بۆ مە دابینكرینە و هیڤییا مە ئەوە ژ هەموو رێكخراوان وەك ڤێ رێكخراوێ كارێن باش و دبەرژەوەندیا گشتی دا ئەنجام بدەن”.
تُتاح هذه الصورة أيضا في: کوردی