سناپچات دێ تایبەتمەندیەکا نوو زێدەکەت
ئێن ئارتى
رۆژا ئینێ سناپچاتێ تایبەتمەندیا گەریانێ بۆ بکارئینەرێن خوە راگەهاند ئەو تایبەتمەندی بۆ بەشەک ژ بکارئینەرێن ئەندرۆیدێ هاتیە کارا کرن، و ب ڤان نێزیکان ژی دێ بۆ بکارئینەرێن iosێ هێتە زێدەکرن.
سناپچات دێ تایبەتمەندیا گەریانێ زێدەکەت کو بکارئینەرێن وێ دێ شێن ب رێیا ئەوێ تایبەتمەندیێ کەسێن دی ب سەناهی ببینن و نامە و گروپ و چیرۆکێن وان ببینن.
مالپەرێ ئینتەرناشناڵ بزنز تایمز بەلاڤکریە، ئەو تایبەتمەندیا نوو ل بەشێ سەری یێ شاشەی دهێتە دیتن و ل دەمێ گەڕیان بۆ ناڤەکی یان ژی پەیڤەکێ دهێتە کرن شریتەک دهێتە ڤەکرن، بکارئینەر ب رەنگەکێ بلەز دێ ئەوی ناڤی یان ژی ئەوێ پەیڤا لێدگەرن، بینن.
ئێک ژ مەفایێن وێ تایبەتمەندیێ ئەوە کو بکارئینەرێن وێ دێ شێن بلەز ڤەگەرنە سەر نامەیەکا بەرێ، ژلایەکێ دی بکارئینەر ب سەناهی دێ مارکە و کۆمپانیایان د سناپچاتێ دا بینن.
هەروەسا بکارئینەرێ سناپچاتێ ل بەشێ “پێشنیازێن ئۆتۆماتیکی” یێن وێ تایبەتمەندیێ دێ شێت ئێک ژ هژماران هەلبژێریت و دەمل دەست نامێ بۆ ئەوی کەسی فرێکەت.
بکارئینەر ب رێیا ئەڤێ تایبەتمەندیا نوو دێ شێن ب رەنگەکێ بچیککری پرۆفایلا کەسێن دی ببینن، هەروەسا ئەگەر “سەمبنەیلی” یا چیرۆکێن هەڤالێن خوە هەلبژێرن دێ شێن ب ئاوایەکێ بەرفرەهـ بەلاڤکریێن وان ببینن.
تُتاح هذه الصورة أيضا في: کوردی