نڤیسینگەھا لالش ل كۆمەلگەھا مەھەتێ چهند بريار دهركرن
تۆرا لالش يا راگههاندنێ
ب ئامادهبوونا ئهندامێن دهستهيا كارگێرى،نڤیسینگەھا لالش ل كۆمەلگەھا مەھەتێ كۆمبوونا خۆ یا ئاسایی ب سەرپهرشتیا رێزدار”مهھدی حهسهن” سەرۆكێ نڤیسینگەھێ ئەنجام دا و چهند بريار دهركرن.
ل دەستپێكێ وهك رێزگرتن بۆ گیانێ پاكێ شەھیدێن كورد و كوردستانێ و سەروەرێ وان بارزانی یێ نەمر وكاك ئەدریسێ جوانە مەرگ خۆلهكهكێ سهكنين پاش پشتی پەیڤا بخێر هاتنێ كۆمبوونێ دهستپێكر.
دكۆمبوونێ دا،بهحسێ ھەلسەنگاندنا كار و بزاڤ و چالاكيێن سالا بۆری هاتە كرن و دەست خۆشی ل دەستەیا نڤیسینگەھێ كرن ب ئەنجامدانا ڤان ژمارا زۆر ژ چالاكیا وپێگیريا وان ب كارێ نڤیسینگەھێ،تهكهز ل دارێشتنا بەرنامەكێ بەرفرهھتر ژ سالا بۆری وگرنگی دان ب ئاواران وڤەكرنا خۆلا یێن بھێزكرنا خووندنێ وخورتكرنا پەیوەندیا دگەل رێكخراوێن بیانی وناڤخۆیی یێن(N G O) كرن.
دلايهكێ دى يێ كۆمبوونێ دا،جهخت ل سهر هندێ هات كرن كو سەرەدانا دام و دەزگەھێن میری و حزبی و مالێن كەسانێن رەوشەنببر وزانا بێتە كرن و
ئەڤ مجێور و قەول زان و كەسایەتيێن موچەی وەردگرن ژ نڤیسینگەھێ،ھەول بێته دان ل ھۆلا لالش كور و سمینارێن ئولی بۆ وان بێنە سازكرن،ههروهسا كار ل سەر رهوشەنبیرا پێكڤەژیانێ بێتە كرن و چالاكیێن ههڤبهش دگەل سەنتەر و كۆمەلێن بسلمانین كورد بێنە كرن و بەردەوام چالاكیێن ههڤبهش ھەبن،ديسان بەردەوام سمینار و كۆرێن سیاسی و رەوشەنبیری و ئاینی بێنه ئەنجام دان.
ژلايهكێ ديڤه،داخوازا هاته كرن پێگیری ب راسپاردێن دەستەیا بلندا بنگههێ لالش بێنە كرن و رۆژناما دەنگێ لالش ھەفتیانە بێتە دابەشكرن ل سەر ئەندامێن لالش و دام و دەزگەهێن حزبی و حكوومی،ههروهسا بەردهوام ھاتن و چوونا بارەگایێ نڤیسینگەھێ بكن.
تُتاح هذه الصورة أيضا في: کوردی