پێنج ملیار دینار بۆ ئاڤەدانكرنا شنگالێ دئێنە تەرخانكرن
تۆرا لالش یا راگەهاندنێ
سەرۆكێ فراكسیۆنا هەڤپەیمانیا برایەتی و پێكڤەژیانێ ل ئەنجوومەنێ پارێزگەها مووسلێ راگەهاند،پێنج ملیار دینار ژلایێ لژنەیا بلند یا وەزارەتا كۆچ و كۆچبەرێن حكوومەتا عێراقێ بۆ ئاڤەدانكرنا شنگالێ هاتنە تەرخانكرن و هێلەكا كارەبێ ژی دێ دەڤەرا عوینات بۆ حەردان ئێتە ڤەگوهاستن.
سەیدو چەتۆ،بۆ رۆژنامەیا دەنگێ لالش خویاكر:”ئەڤ پێنج ملیار دینارێن بۆ ئاڤەدانكرنا شنگالێ یێن ژلایێ وەزارەتا كۆچ و كۆچبەرێن حكوومەتا عێراقێ هاتینە تەرخانكرن دێ بۆ خزمەتكاریێن سەرەكی یێن ئاڤ و كارەب و ساخلەمیێ بن،ئەڤ گوژمێ دراڤی بۆ شنگالێ یێ كێمە،ژبەركو هاتیە وێرانكرن و گۆت:” پرۆژەكێ ستراتیجی یێ هێلا 132یێ كارەبێ ل ڤان نێزیكان ژلایێ كۆمپانیەكێ ڤە دێ ئێتە بجهئینان و ژ دەڤەرا عوینات بۆ حەدان دێ ئێتە ڤەگوهاستن”.
چەتۆ تەكەزكر:”ماوێ پرۆژێ كارەبێ سێ هەیڤن و كەلوپەلێن ڤێ هێلێ ژلایێ ئەنجوومەنێ پارێزگەهێ و ب گوژمێ سێ ملیار دیناران ژلایێ رێكخراوا(UNDP)هاتینە تەرخانكرن،ب شێوەیەكێ گشتی دێ مفایەكێ باش گەهینتە دەڤەرێ”.
تُتاح هذه الصورة أيضا في: کوردی