تۆرێن جڤاكی كارتێكرنەكا مەزن كریە سەرجڤاكێ كوردی
تۆرا لالش یا راگەهاندنێ/جوان بەرواری 
ژئەگەرێ دروست بكارنەئینانا تۆرێن جڤاكی،كارتێكرنەكا مەزن كریە سەر جڤاكێ كوردی و ب تایبەتی پەیوەندیێن خێزانی بووینە ئەگەر بەرەف تێكچوونێ بچن و پشتگۆهاڤێتنا هەڤژینان و تێكدانا دەروونێ كۆمەلگەهێ ب گشتی و ئاریشە دناڤبەرا مالباتان دا دروست كرینە.
ل دۆر ڤێ چەندێ ئافرەتەكێ نەڤیا ناڤێ وێ ئاشكەرا بت دبێژت:”خودان دوو زارۆكم و ماوێ پێنج سالایە من شووكری و خودان هەڤژینم،لێ دبینم پشتی دەركەفتن و زێدەبوونا تۆرێن جڤاكی هەڤژینێ من گەلەك دگەل من دا هاتیە گهۆرین و رۆژانە ب بهانا دگەل من رەفتارێ دكت ،پشتی ماوەیەكێ درێژ من دووڤچوونا وی كر كو پەیوەندی دگەل كەسەكا دی هەبوو و رۆژانە ب رێیا ڤان تۆران دگەل هەڤدو د پەیڤن،زۆربەیا جاران من هەست ب وێ چەندێ كریە كو هزرا خۆ دووركرنێ و ژێكڤەبوونێ بكەم،لێ ژبەر هەبوونا پاشەرۆژا زارۆكێن خۆ هێشتا ئەو جورئەت نەدایە خۆ ڤێ یەكێ بكەم،لەوما ب ناچاری ڤە قەبوول دكەم،ژبەرڤێ چەندێ ژی دبینم كو ئەڤ تۆرنە بووینە ئەگەرێ پشتگۆهاڤێتنا هەڤژینان و تێكدانا دەروونێ جڤاكی ب گشتی”.
هەروەسا راگەهاندكار(“سارا حاجی”دیاركر:”ب مخابنی ڤە جڤاكێ مە فێر نەبوویە ئەنتەرنێتێ ئانكو تۆرێن جڤاكی ب درووستی بكاربینت،لەوما یابوویە رێیەكا ئاسان بۆ گرێدانا پەیوەندیان وخیانەتا هەڤژینیێ زۆر جاران ب ژێكڤەبوونێ ب داوی هاتیە،ئەڤە ژی ب كێم تەرخەمی دئێتە هژمارتن كو بهانەكە بۆ خیانەتێ دەمێ ئێك ژ هەردوولا پەیوەندییەكێ ژدەرڤەی هەڤبەندیا هەڤژینیێ گرێددەن ب وێ بهانێ كوهەڤژین كێم تەرخەمە دگەل دا،لەورا ناچاردبت خیانەتێ بكت،پێتڤیە هەردوولا گرنگیێ ب ئێك دوو بدەن و دەمی بۆ ئێك تەرخان بكن،چنكو هەڤژینیا سەركەفتی ئەوە كو رێزێ ل هەست و باوەری ئازادی و پەیوەندیا ئێك بگرن و بەرهەڤ نەبن دگەل چ كەسان چ تشتان بۆ گهۆرینێ،داكو ل ژێرناڤێ رەوشەنبیریێ هەڤژینیا خۆ ساخلەم ئاڤا بكن نەكو سنوران دەربازبكن وڤێ هەڤبەندیێ ژ ناڤ ببەن”.
ژبال خۆڤە ڤەكۆلەرێ جڤاكی”عبدالجبار عبدالرحمن”گۆت:”تۆرێن جڤاكی كارتێكرنەكا مەزن كریە سەر جڤاكی و ب تایبەتی پەیوەندیێن خێزانی بووینە ئەگەر كو ئەڤ پەیوەندی بەرەف تێكچوونێ بچن وئاریشە دناڤبەرا مالباتان دا دروست كریە،بگرە ژلایەنێ ژن ومێران وهەموو ئەندامێن خێزانی،ژلایەكێ دی ڤە ئەگەر هەموو دزڤرن بۆ وێ چەندێ كو مللەتێ مە نوزانت ب درووستی سەرەدەریێ دگەل ڤان تۆرێن جڤاكی بكن وهندەك كەس مفایی ژ تۆرێن جڤاكی وەردگرن وتایبەت قوتابیێن زانكۆیێ،ژبۆ دروستكرنا ڤەكۆلینا وفێربوونا زمانی،لێ هندەك ژی ب تنێ بۆ بەرژەوەندی و پەیداكرنا نەساخلەمیا جڤاكی ب كاردئینن وەكی دیار كو گەلەك كێشە دئێنە دادگەهێ وەك من دیتن شارەزایێ جڤاكی دگەل كێشێن جڤاكی ئەگەرێن وان فێسبۆكە كو ژن ومێر هەردوو پەیوەندیان دروست دكن ودبتە ئەگەرێ ئاریشان وئێك دوو قەبوول نەكن،یاگرنگە ژن ومێر دڤێت دگەل ئێك راستگۆ بن وتشتێ ل بەر ئێك نەڤەشێرن،داكو پەیوەندیێن وان موكم بن،هەر دەمێ پەیوەندییەك بۆ ژنێ هات زەلامێ خۆ پێ ئاگەهدار كت و زەلام ژی هەمان شێوە بت بەرامبەر ژنێ داكو ئاریشە نەگەهتە بەردادگەهێ”.
تُتاح هذه الصورة أيضا في: کوردی