نەخوەشیا ئەل زەھایمەرێ
ميديا دهۆك
ئەلزەھایمەر بەربەلاڤترین جورێ نەخوەشیێ یە كو کارتیکرنێ ل وان بەشێن مێشکی دکەت یێن کو بەشداریێ د پرۆسێسا زمان و رەوشت و بریار و میموریدا دکەن، پتریا توشبویێن ڤێ نەخوەشیێ دناڤ بەرا ژیێ 75 ھەتا 85 سالیێدانە و کێم جاران توشی مرۆڤێن د ژیێ 40 سالیێ دا دبیت، جورێ نەخوەشیێ و پێژڤەچوونا وێ ل گورەی کەسێ نەخوەش جیاوازە، نیشانێن ڤێ جورە نەخوەشیێ نە د بەرچاڤن لێ نیشانەک یان دو وێ یەکێ نا گەھینن کو مرۆڤ یێ توشی نەخوەشیا زەھایمەرێ بووی لێ ژ دیارترین نیشانان
ss
کەسێ توشبووی ب ڤێ جورە نەخوەشیێ دێ دەست بدانا ھندەک بریارا کەت کو ب تمامی نە د دروستن و دگەل ڕەوشتێ وی یێ بەری نھا نا گونجیت بو نموونە ترس ژح سەروەت و مالی وەسا ھزر دکەت ھەمی کەس فێلبازن مینا کۆمپانیا تلەفۆنان.
ھەروەسا گۆھورینا مودا نەخوەشی بێ ھەبوونا ھیچ سەبەبەکێ بۆ نموونە جار دکەنیت و جار دگریت جار تۆرە دبیت، ژبیرکرنا کەلو پەلان ڤەدیتنا وان ل جھێن سەرنج راکێش بونمونە کلیلێن ترۆمبێلێ یان ریموند کۆنترۆلی یان بەرچافک و کەلوپەلێن دی بشێوەیەکێ بەردەوام وێ یەکێ رادگەھینیت کو کەسەکێ نەخوەش د مالاتەدا ھەیە
گەلەک جاران کەسانێن دی ب دزینا کەلوپەلێن خوە تومەتباردکەن ،ھەر وەسا تێکھەل کرن و ژبیرکرنا جھ و دەمی بو نمونە ژبیرکرنا جھێ ژیانا خوە و ژبیرکرنا جھ و دەمی ئانکو گەلەک جاران 5 خولەک دبنە 5 دەمژمێر یان چەند ھەفتی،بونمونە وەسا ھزردکەت ئەڤە 5 دەمژمێرە ھەڤژینا خوە نەدیتیە دسەر ھندێرا کو بەری 5 خولەکان ل دەڤ بوو
ژبیرکرنا ناڤان و تێکھەلکرنا نێر و مێیان بونمونە دبیت بێژیتە سەیارێ تلەڤزیون ، نێزیکی 60 ژ سەدێ ژ نەخوەشێن زەھایمەرێ حەز ژ دەرکەفتن و گەریانا دکەن ژبەرکو ترس و مەلەل و نە نیاسینا کەسان و جھان دبیتە ئەگەرێ گەریانێ لدەف وان ،دوبارە کرنا تشتان مینا پرسیار و ستران ناڤان ژئەگەرێ نە ئارامیێ
ئاریشە د دیتنا چاڤاندا ئەڤ نەخوەشیە دبیتە ئەگەرێ وێ یەکێ کو نەخوەش نە شێت ب شیوەیەکی تمام تشتان ببینیت
خوە ڤەکێشان ، نەخوەشێن زەھایمەرێ خوە ژ وان چالاکی و یارییان د دەنە پاش سەرەرای وێ چەندی کو بەری نھا گەلەک حەز ژ ڤان جورە جالاکیان دکر دبیت ژبەر وێ چەندێ بیت وان ژبیر کربیت نھا چاوان وان کارا دکەن
ژبیرکرن و نە نیاسینا ئەندامێن خێزانێ ئەڤەژی دبیتە ئەگەرێ دل شکەستنێ، ھەر وەسا ژ دەست دانا زیرەکیا لڤینان ھەروەسا ھەستکرن ب تشتێن دەورو بەری خوە بونمونە لەرزینا دەستان ،ھەروەسا گوھرینا جلو بەرگان گەلەک یا بزەھمەتە بو نەخوەشێن زەھایمەرێ ژبەرکو ژبیردکەن چاوان جلکان بکەنە بەر خوە
ھەروەسا کرنا جلکی گەلەک دوبارە دکەن بێی کو بزانن ،ھەر وەسا پاقژیێ ل پشت گوھ د ئێخن ژبەرکو ژبیردکەن چەوا یان بوچی خوە پاقژ بکەن
دیسان دەمێن خوە یێن خوارنێ ژبیردکەن و نزانن بەری نھا خواریە یان نە
ھەروەسا نەخوەشێن زەھایمەرێ ژبیر دکەن کو بەری نھا زەوجینە ژبەر ھندێ داخازا سێکسی ژ ھەر کەسەکی دکەن ،
ھەروەسا نە نڤستنا بشەڤ نەخوەشێن زەھایمەرێ نەشێن بشێوەیەکێ دروست بنڤن ژ ئەگەرێ ترس و نە ئارامی یێ،نەخوەشێن زەھایمەرێ حەز ژ گرنگیدانێ دکەن و مینا زاروکان رەفتارێ دکەن.
تُتاح هذه الصورة أيضا في: کوردی