خودانێ خوارنگەهەکێ کو کوردە بێ بەرامبەر خوارن پێشکێشی پولیسێن لەندەن کر
ئێن ئارتى
خودانێ خارنگەهەکێ کو کوردە ل لەندەن و ل دەمی هێرشێن وی باژێری خوارنگەها خوە دانەخست و خوارن بێ بەرامبەر پیشکێشی پولیسێن وی باژێری کر.
مالپەرێ ئیندپێندەنت یێ بریتانی چیرۆکا ئیبراهیم دوگەس کو بەلێندەرکێ کوردە و خەلکێ باکورێ کوردستانێ و ئاکنجیێ باژێرێ لەندەنە بەلاڤکریە و راگەهاندیە ، پولیسێن لەندەنی داخاز ژ ئیبراهیم کریە هەرسێ خوارنگەهێن خوە دابخیت، لێ ناڤبری ئێک ژ خوارنگەهێن خوە کو نێزکی جهێ هێرشێ بوو دانەخست و بێ بەرامبەری خوارن پێشکێشی پولیس و تیمێن لهاواهاتنێ کر.
ئیبراهیم دەربارێ ڤێ ئێکێ گوتیە ” من دخازت ب ڤی کاری پشتەڤانیا پولیس و تیمێن لهاوارچونێ بکەن، چونکی ئەو روویدان گەلەک نێزیک بوو و ئەگەر ژى هەبوو ئەز ژى بەربکەڤم یان ژی زارۆکێن من کو هەمی رۆژان ل وێ پرێ دچوونە قوتابخانێ”.
ئیبراهیم بەحسێ وێ ئێکێ ژى کر کو رۆژا چارشەمبی هەیا درەنگیا شەڤێ خوارنگەها وی ڤەکری بویە هەیاکو هێزێن پولیسان و ساخلەمیێ کارێن خوە تمام کرن.
ناڤبری گوت ژى ، ل وێ رۆژێ ٣٠٠ بۆ ٥٠٠ پولیسان ل خوارنگەها وی خوارن بێ بەرامبەری خوارن.
ئیبراهیم خودانێ سێ خوارنگەهێن ناڤدارە ل باژێری لەندەنێ و دبێژیت کو ب موسلمانی ژدایک بویە .
ئیرابراهیم خوادنێ بیرۆکا خەلاتێ کەبابێ بریتانیایە کو هەمی سالان ئەو خەلات ب سەر باشترین کەبابخانەیێن بریتانیا دهێتە دابەشکرن.
تُتاح هذه الصورة أيضا في: کوردی