“ئێزدی بووینە ئارمانج و هێرشێن گرۆپێن توندرەو و تیرۆرستی ل سووریا و عێراقێ”
تۆرا لالش یا راگەهاندنێ
پەیڤدارێ ئەنجوومەنێ ئێزدیێن سووریا(سەرحان عیسی) د دیدارەكێ دا بۆ رۆژناما دەنگێ لالش ئاشكەراكر،ژ سالا 2012ێ وەرە ئێزدی هێدی هێدی دبن ئارمانج و هێرشێن گرۆپێن توندرەو و هێرشێن تیرۆرستی چ ل سووریا و ل عێراقێ،هەروەسا بۆ ڤێ قۆناغێ داهاتی ل سووریا ئەم ئامادەینە وەك ئەنجوومەن مە گەلەك پێنگاڤێن مەزن هاڤێتینە و ئیرۆ ئێزدی بووینە رەقەمەك مەزن دموعادلا سیاسی یا سووری دا و ئەڤە دەستكەفتەكێ گەلەك مەزنە،دیسان ل دەستپێكا شۆرەشێ و نۆكە ژی ئەم دژی چەكدارییا وێ و رەهشتنا چەكی بووین و ل دژی شەرێ چەكداری نە.
سەبارەت رەوشا نۆكە یا ئێزدیان ب شێوەیەكی گشتی(سەرحان عیسی)گۆت:ئەڤ قۆناغا تێرا دەرباز دبین گەلەك هەستیار و نازكە و گەلەك مەترسیدارە كو سووریا و عێراق تێرا دەرباز دبن،ب تایبەتی ژ سالا 2012ێ وەرە ئێزدی هێدی هێدی دبن ئارمانج و هێرشێن گرۆپێن توندرەو و هێرشێن تیرۆرستی چ ل سووریا و ل عێراقێ،بێگۆمان نۆكە گەلەك كەس ب تایبەت مللەتێ كورد و تەڤگەرا سیاسی یا كوردی بالدكشینە سەر ڤی بابەتی كو ئەم ئێزدی پەنابەر دبن ژ هەردوو وەلاتان دەردكەڤن و نە تنێ ئەو بەلكو تەڤیا مللەتێ وان پەنابەر دبن و یێ سووری نۆكە پتر ژ 2ملیۆن كوردان پەنابەربووینە،ژمارا هەری مەزن خورت و كچ و نڤشێ نوو یێ كوردان پەنابەربووینە،ئەڤ بابەتە گەلەك ئەنجامێ وێ هەنە ژبۆچی ئەڤ خەلك پەناربەر دبت ئەو ژی ئێمناهی نینە و ئەولەكاری ل سووریا نەمایە و گرۆپێن توندرەو و تیرۆرستی پربووینە ل وی وەلاتی و ناكۆكیێن كوردی هەینە و ئیرۆ كورد بەرێ وان نە ل هەڤە و نە ئێك دەنگ و رەنگن ل سووری و سیاسەتەك ئێك ئالی تێ مەشاندن ژئالیێ كوردی ڤە كو كەسەكێ هەڤپشك ژ خۆرا قەبوول ناكن و خۆ تنێ خوەیی ڤی وەلاتی دبینن و سیاسەتەكا گەلەك شاش دمەشینن و ئەڤە ژی ئەگەرەكە كو خەلك پەنابەردبت ژ ئەنجامێ سیاسەتا وان و ژێرخانێ هەرێمێ كوردی ب گشتی و یا سووری ب تایبەتی تێكچوویە یانكو ژبەر رەوشا ئابووری مللەت پەنابەر دبت.
دەربارەی مافێن ئێزدیان دقۆناغا داهاتی دا ل سووریا (عیسی) ئاشكەراكر،ئەنجوومەنێ ئێزدیێن سووریا دانوستاندن ب تەڤایا ئۆپزسیۆنا سووری هەنە و ئەم ئامادەینە ژ ڤێ قۆناغێ و یا داهاتی ژی را،ب گۆمانا من مە كارێن گەلەك باشكرینە كو هێزا خۆ ل گۆر كارینێن خۆ وەك ئەنجوومەن مە گەلەك پێنگاڤێن مەزن هاڤێتینە مە كاری بوو ئیرۆ ئێزدیێن سووریا بوونە رەقەمەك مەزن دموعادلا سیاسی یا سووری دا و ئەڤە دەستكەفتەكێ گەلەك مەزنە كو ئێزدیێن سووریا درێیا ئەنجوومەنی را بوونە رەقەمەك مەزن دڤێ موعادلێ دا،هەروەسا تەڤایا مللەت و ركاربەرییا سووری ب مللەتێ ئێزدی وەك ئۆل ب حەسینین كو ئێزدی چنە و چ دخوازن،ژبۆ مافێ ئێزدیا مە گەلەك پەیمان ڤەكرینە ب مخالفەتا ئەرەبی را و مە یاداشتنامەیەك دایە ئتیلافا سووری ب ناڤێ ئێزدیێن سووریا كو مافێ مە چنە و ئەم چ دخوازن،هەروەسا دبن ئێكەتیا ئەوروپی داو وەزارەتا دەرڤەیا ئسپانیا دا و ب بەشدارییا میر تەحسین بەگ مە یاداشتنامەیەك ڤەكریە ل سەر مافێ ئێزدیا دسورریا داهاتی دا كو چ داخوازی و ئارمانجێ وان هەنە و هەروەسا لگەل ئەنجوومەنا نشتیمانی یا كوردی مە هەموو پەیمان ڤەكرنە كو كەسەك نكارت دسووریا داهاتی دا زێدەگاڤیێ ل سەر مافێ مە بكن و پێلێ بكن.
ل دۆر دەستكەفتێن ئێزدیان ل سووریا راگەهاند،ئێك ژ وان تشتا كو مە بجهئینایە كو مە كاری بوو وەكو دەستكەفتەكێ مەزن ئەم ل قەلەم ددەن دكۆنگرێ سیێ دا یێ ئەنجوومەنا نشتیمانی یا كوردی دا،كول باژێرێ قامشلۆ هات گرێدان دسالا 2015ێ دا مە ژ وان خواست كو مەسەلا ژێڤەكرنا ئایینی ژ دەولەتێ كو ئایین و دەولەتێ ژ هەڤدوو جودا بكن مە ب وان دا قەبوولكرن و دانپێدان ب دەستووی یا مافێ ئێزدیا بێتە كرن و هەردوو بەند مە ب وان دا قەبوولكرن و وان دبەرنامێ خۆ یێ سیاسی دا دا قەبوولكرن.
هەروەسا ل سەر شۆرەشا سووری رۆنكر،ئەم ل دژی شەرێ چەكداری نە و ل دەستپێكا شۆرەشێ ژی و نۆكە ژی ئەم دژی چەكداریا شۆرەشێ بووین و دژی رەهشتنا چەكی بووین كو پرسا سووری ب رێیێن ئاشتی بێتە چارەسەركرن،ئیرۆ ژی هەموو مخالفەتا سووری پۆشمان بوون ئەو بریار نەستاندن ئەم سەربلند و سەرفەرازن ،كو ئەو بریارا مە دروست بوو و دجهێ خۆ دا بوو كو رەهشتنا چەكی گەلەك شاش بوو.
ل داویێ پەیڤدارێ ئەنجوومەنێ ئێزدیێن سووریا تەكەزكر كو ئەم سەربەخۆنە و نەگرێدایی چوو ئالیەكێ سیاسی و محاورانە و قەبوول ناكن دچ محاوران دا بین وچوو هاریكاریا دراڤی ژ ئالیەكی مە وەرنەگرتیە و وەرناگرین،ژبەركو سەرخووبوونا بریارا سیاسی ل نك مە گەلەك گرنگە یان خوسەریا بریارا ئێزدیا یا سووری گەلەك گرنگە وئەم دێ چاوا كارن پاراستنێ ل سەر بریارا خۆ یا سیاسی بكن و هەتا نۆكە مە كاری ب پارێزن و سەربەخۆبن و ب سەربلندی مە گەلەك گاڤێن مەزن هاڤێتینە.
تُتاح هذه الصورة أيضا في: کوردی