چارلز تانۆك: بریتانیا هه‌ر ژ سالا 1920 پشته‌ڤانیێ ل كوردستانه‌كا سه‌ربه‌خوه دكه‌ت
WAAR-دهۆک:
نوونه‌رێ بریتانیا د په‌رله‌مانێ ئێكه‌تییا ئه‌ورۆپا دا، ئاشكراكر، هه‌ر ژ سالا 1920، وه‌لاتێ وی په‌یمان دایه پشته‌ڤانیێ ل كوردستانه‌كا سه‌ربه‌خوه بكه‌ت.
د تویته‌كێ دا ل تۆرا جڤاكییا تویته‌ری، چارلز تانۆك سیاسه‌تمه‌دار و نوونه‌رێ بریتانیا د په‌رله‌مانێ ئێكه‌تییا ئه‌ورۆپا دا، دایه زانین كو بریتانیا هه‌ر ژ سالا 1920، په‌یمان دایه پشته‌ڤانیێ ل كوردستانه‌كا سه‌ربه‌خوه بكه‌ت و نها ژی هه‌ر ده‌ما كوردستانا سه‌ربه‌خوه هاته راگه‌هاندن، بریتانیێ دێ پشته‌ڤانیێ لێ كه‌ت.
وی سیاسه‌تمه‌دارێ بریتانی دگه‌ل پۆستێ خوه، وێنه‌یه‌كێ كۆمبوونا دوهی یا بارزانی و سكرتێری نه‌ته‌وه‌یێن ئێكگرتی به‌لاڤكرییه و نڤێسیه گه‌ر نه‌ته‌وه‌یه‌كێ ژ هه‌ژی ده‌وله‌تێ هه‌بن، تنێ كوردن.
تُتاح هذه الصورة أيضا في: کوردی