د جەژنا چارشەمبوویا سۆر دا 60 ھەزار گەشتیاران سەرەدانا لالش کر
ئەڤرۆ نیوز، کاروان باعەدری:
د جەژنا چارشەمبوویا سۆرا یا کوردێن ئێزدی دا ژمارەکا زۆر یا کوردێن ئێزدی قەستا پەرستگەھا لالش کرن.
لوقمان سلێمان، بەرپرسێ راگەھاندنا بنگەھێ لالش ل پەرستگەھا لالش بۆ ئەڤرۆ نیوز گۆت: “د جەژنا چارشەمبوویا سۆر یا کوردێن ئێزدیدا نێزکی 60 گەشتیاران سەرەدانا پەرستگەھا لالش کرن کو ژ ھەموو ئاین و پێکھاتێن جودایێن جیھانێ بوون”.
گوتژی: “سەرەرای کارەساتا شنگالێ لێ ھێشتا خەلک قەستا پەرستگەھا لالش دکەن”، دا زانین ژی كو “ھەرچەندە جەژن ب شیووەیەکی فەرمی نەھاتە گێران ب تنێ رێورسمێن جەژنێ ھاتنە گێران و 365 چرا ھاتنە ھەلکرن ل پەرسگەھێ کو رامانا 365 رۆژێن ساڵی دکەت و چەندین و رێورسمێن دی ھاتنە گێران”.
جەژنا چارشەمبوویا سۆر کەڤنترین و پیرۆزترین جەژنا کوردێن ئێزدی یە کو دکەڤیتە د چارشەمبوویا ئێکی ژ ھەیڤا نیسانا رۆژھەلاتی.
تُتاح هذه الصورة أيضا في: کوردی