ڤاتیکان پشتەڤانا دەڤەرێن ئارامه بۆ ئێزدییان
WAAR-دهۆک:
ڤاتیکانێ پشتەڤانییا خوە بۆ دروستکرنا دەڤەرێن ئارام بۆ کەمینەیێن ئیراقێ دیار کر و خواست ھەموو کوردێن ئێزدی ژ دەست داعشێ رزگار بن.
نادیە موراد، بالیۆزا نەتەوەیێن ئێکگرتی پشتی کۆمبوونا خوە یا دگەل پاپا فڕانسیس، پاپایێ ڤاتیکانێ دیار کر؛ د کۆمبوونێ دا وان باسێ کەمینەیێن ئۆلی ب رەنگەکێ گشتی کرییە و پاپای پشتەڤانییا خوە بۆ دروستکرنا دەڤەرێن ئارام بۆ کوردێن ئێزدی دیار کرییە و خواستییە ھێزێن ناڤدەولەتی وان دەڤەران بپارێزن.
ھەروه‌سا پاپای خواستییە؛ رێ بۆ رزگارکرنا کچێن ئێزدی یێن د دەست داعشێ دا ماین، بھێنە دیتن و ھەموو ژ دەست وێ رێکخستنا ھۆڤانە رزگار ببن.
تُتاح هذه الصورة أيضا في: کوردی