ئێکەتیا ئورۆپا: هێرشا پەکەکێ بۆ سەر هەرێما کوردستانێ قبوول ناکەین
ئەڤرۆ نیۆز،زنار تۆڤی:
پشتی کو رەزا ئاڵتون سەرکردەیێ دیار یێ پەکەکێ هێرشا هەلگیرساندنا شەری لە هەرێما کوردستانێ کری ل دژی تورکیا، نوونەرا ئێکەتیا ئورۆپا ل هەولێرێ ل دژی ڤێ داخۆازا سەرکردێ پەکەکێ رادوەستیت و دبێژیت: شەر ل دژی کوردستانێ ناهێتە قبوول کرن.
پێشتر پارتی نیگەرانیا خۆە بەرامبەری وان گۆتنێن رەزا ئاڵتونی نیشاندابوو کو د دیدارەکێ دا ل گەل راگەهاندنا پەکەکێ شەر ل دژی هەرێما کوردستانێ راگەهاند بوو،ل دووڤدا حدکا ل رۆژ هەڵاتا کوردستانێ جەخت ل سەر هندێ کربوو کو ئەرکێ هەموو لایەنێن کوردستانێ یە ل پارچێن دی یێن کوردستانێ بەرگریێ ژ دەستکەفتێن هەرێما کوردستانێ بکەن، هەروەسا گۆتیە،کو هەر لایەنێ هێرشێ بکەتە سەر هەرێما کوردستانێ دێ ڤێ چەندێ بەرسڤا خوە هەبیت.
نوونەرا ئێکەتیا ئورۆپا ل هەرێما کوردستانێ دیارکریە، کو هێرشێن پەکەکێ ل دژی هەرێما کوردستانێ ناهێنە قبوول کرن.
کلاریس پازستری نوونەرا ئێکەتیا ئورۆپا ل هەولێرێ راگەهاندیە کو لێدوانێن رەزا ئاڵتونی سەرکردێ پەکەکێ ”هێرشن و ناهێنە قبوول کرن،چونکی پەکەکە د لیستا تیرۆرێ دایە ل ئێکەتیا ئورۆپا و پاراستنا هەرێمێ ژی ژ هەر هێرشەکا تیرۆرستی ژلایێ ئێکەتیا ئورۆپی جهێ قبوول کرنێ نینە،هیڤی خواستیە کو هێرشێن وی سەرکردێ پەکەکێ هەلویستێ وی ب خوە بیت و نەیێ پەکەکێ بیت.
د هەمان دەمدا پەکەکێ ب فەرمی دژایەتیا خوە بۆ سەربەخۆیا کوردستانێ راگەهاندیە، ئەو ژی پشتی کو سەرکردێن وێ جەخت ل پاراستنا سنۆرێن وەلاتان کریە و راگەهاندیە، کو ل روانگەها پەکەکێ دروستکردنا دەوڵەتێ ب سەرڤە چوویە و ئارمانجا وان ئەوە ل چارچۆڤێ سنۆرێن وەلاتان پێکڤە ژیان هەبیت.
تُتاح هذه الصورة أيضا في: کوردی