ڤەمان لیناڤای:پشتی زۆریا ل ئێزدیان هاتیە كرن ژ دەستێ داعش هیچ گەفەك نكارە بۆ خەباتێ مە ب سەكنینە
دەنگێ لالش،بەختیار قادر
كچا كورد(ڤەمان ئسمایل عەبدوالقادر لیناڤای) خەلكا باژێرێ دهۆكێ یە و نۆكە ل وەلاتێ نەرویجێ ئاكنجی یە،دڤان سالێن بۆری دا لێكۆلین ل سەر ئۆلا ئێزدیان كرینە و بەكالۆر و ماستەرناما خۆ ل سەر نڤیساندینە و بۆ رۆژناما دەنگێ لالش دبێژت:ژبۆ خووندنا پەیامەكێ ل ناڤا باژێر دا ل سەر رەوشا شنگالێ گەفێن مرنێ ژ ئالیێ هندەك كەسێن نەناس ڤە ل من هاتن كرن گەر پەیامێ بخوونم، پشتی ئەڤ زولم و زۆریا ل مللەتێ مە یێ ئێزدی هاتیە كرن ژ دەستێ داعش هیچ گەفەك نكاری بوو خەباتا مە ب سەكنینە.
ل دۆر نڤیساندنا باكالۆر و ماستەرناما خۆ ل سەر ئۆلا ئێزدیان ل نەرویچ(ڤەمان ئسمایل عەبدوالقادر لیناڤای)گۆت:هەر ژ زارۆكینیا خۆ من هزكریە زێدەتر ل سەر راستیا باوەریا ئێزدیان ب زانم،مخابن د دیرۆكا ئۆلا ئێزدیان دا هەتا ئیرۆ گەلەك نە راست و پێزانینێن دەرەو ل سەر هاتینە بەلاڤكرن،ژبەر ڤێ یەكێ یا گرنگ بۆ من ئەڤە بوو دەستپێكێ پێزانینێن باش سەبارەت ڤێ ئۆلێ وەرگرم، ل بەكالۆرا خۆدا ل سەر ناسناما خۆ گرنگی پێدان ل سەر ڤێ ئۆلێ كر و باكالۆر و ماستەرناما خۆ ل سەر نڤیساند و ماستەرناما خۆ ژی ب زمانێ نەرویجی نڤیساندیە، ئارمانجا من یا سەرەكی ئەڤە بوویە كو نە تنێ كورد،بەلكو جڤاكا نەرویجی ب گشت مفایی ژ نڤیساندنا من یا ل سەر ئێزدیان ببەن،دڤان سالێن من لێكۆلین ل سەر ڤێ ئۆلێ كرینە و پەرتۆك خووندینە گەلەك تشت فێر بوویمە،لێ هەتا نۆكە گەلەك مایە ژی ئەز فێربم، یا گرنگ ئەڤەیە،ئێزدی باوەریا وان چیە و ریتولێن خۆ چاوا دكن و رێ و رەسمێن وان چاوانە و گەلەك بابەتێن دی.
سەبارەت كومكوژیا شنگالێ ل ئابا 2014ێ(لیناڤای) گۆت:دەما كۆمكوژیا شنگالێ ئەز ل دهۆكێ بووم و ئەڤ كۆمكوژیە ژ وێ رۆژێ هەتا ئیرۆ بوویە ژانەك د دلێ من دا،رۆژەك دەرباس نابە كو ئەز هزر نەكەم ل سەر زارۆكێن ل بەر گەرما هاڤینێ ب نان و ئاڤ ژیانا خۆ ژ دەست دان،دیسان رۆژەك ناچت كو هزر نەكەم ل سەر دەیك و خوشكێن مە یێن ل دەستێ ڤان درندێن داعشێ دان،دەما هێرشی شنگالێ هاتیە كرن من ل دهۆكێ ڤیدیۆیەك چێكر و تێدا ئاخفتم كا گەلێ مە ل شنگالێ د چ رەوش دایە،ئەو ڤیدیۆ هاتە بەلاڤكرن ل ئێك ژ مەزنترن و گرنگترن رۆژنامێن نەرویج بناڤێ(VG)، ناڤەرۆكا ڤیدیۆیێ ئەڤە بوویە كو پشتگیری و هاریكاری ژبۆ گەلێ مە یێ شنگالێ دخوازن،پشتگیری ژ ئالیێ وەلاتێن نێڤ دەولەتی تایبەت یێن رۆژئاڤا.
ئەو چەندە ژی دیاركر،ب دلەكی خەمگین ڤە ئەز ڤەگەریام نەرویج ڤە ئەگەر دەستپێكا ماستەرناما من،ئەز ڤەگەریام ل كارێ مە ژبۆ ناسكرنا كۆمكوژیا شنگالێ دەست بەرنەدا، مە دەست ب چالاكیان كر ل ناڤا جڤاكا نەرویجی دا،دەما ڤەگەریام ژ وی وەلاتی پشتی چەند رۆژان ل ناڤا باژار خۆپیشاندانەكا مەزن هات كرن ل وێدەرێ ئەز هاتم ڤەخوەندن ژبۆ خووندنا پەیامەكێ ل سەر رەوشا شنگالێ رۆژەكێ بەریا پەیاما خۆ بخوونم گەف ل من هاتن كرن ژ ئالیێ هندەك كەسێن نەناس ڤە و گەفێن مرنێ ل من كرن گەر پەیاما خۆ بخوونم ل ناڤا باژار دا، پشتی ئەڤ زولم و زۆریا ل مللەتێ مە هاتیە كرن ژ دەستێ داعش هیچ گەفەك نكاری بوو خەباتا مە ب سەكنینە.
گۆتژی چەند جاران ل كەنالێن نەرویجی وەك(NRK /tv2)،هاتمە ڤەخوەندن كو ل سەر رەوشا شنگالێ بەحس بكەم،هەروەسا پشتی ڤەگەریام نەرویج ڤە،مە دەست ب كۆمكرنا دراڤی كر ل باژێرێ بەرگەن دگەل دوو رێكخراوێن كورد ب ناڤێ ئێكەتیا خووندەڤانێن كوردستانێ كو ئەز بەرپرس بوووم وی دەمی، هەروسا كۆمەلا چاندا كورد،ئەم ب هەڤرە ڤەگەریان كوردستانێ و مە پێتڤیێن رۆژانە بۆ مللەتێ مە یێ شنگالێ تەرخانكرن،هەروەسا ل رۆژا 8ئادارا 2016ێ پەیاما سەرەكی من خووند ل سەر زولم و زۆریا سەر دەیك و خوشكێن مە هاتنەكرن ل شنگالێ، ناڤەرۆكا پەیاما من ل سەر ئێش و ئازارێن كچ و دەیكێن مە كرن، كا ئارمانجا داعش بوویە،ژبۆ دەست درێژیكرنا ل سەر كچ و دەیكێن مە.
ئاشكەراكرژی هەر سال رۆژا كۆمكوژیا شنگالێ ل وەلاتێ نەرویج ل بیر دئینین،مخابن كوردێن ئێزدی نە گەلەك بەرنیاس بوون،بەلێ مخابن پشتی كۆمكوژیا شنگالێ ئەز دڤێ باوەریێ دامە هەموو جڤاكا نەرویجی زێدەتر مللەتێ مە ناسكر، لێ خۆزی جڤاكێ نەرویجی نە ب ڤی رەنگی مللەتێ مە ناسكربا،بەلێ ب گشتی ئەو گەلەك ژ گەلێ مە یێ ئێزدی حەزدكەن و ئەوێن پێزانینێن وان ل سەر ئۆلا ئێزدیان هەین گەلەك ب شێوەیەكێ جوان و رێك و پێك ل سەر ئێزدیان بەحس دكن،لێ مخابن گەلەك كێم لێكۆلین ژ ئالیێ نەرویجیان ڤە هاتنە كرن ل سەر ئێزدیان.
لیناڤای تەكەزكر دخوازم ل پاشەرۆژێ دا دكتۆرایا خۆ ژی ل سەر ئۆلا ئێزدیان بنڤیسم،ب تایبەت ل سەر ئێزدیێن نەرویجێ ڤە.
تُتاح هذه الصورة أيضا في: کوردی