مفايێن خوداکرنا گيانهوهرێن ناڤ مالێ
توێژەران دەڵێن ئاژەڵی ماڵی بۆ مرۆڤ بەسوودە هەم لەڕووی دەروونی و هەم لەڕووی جەستەیی، بەمشێوەیە:
١-کۆلیسترۆڵ کەمدەکاتەوە:
پیاسەی رۆژانەت لەگەڵ سەگەکەت، وەرزشێکی بەسوودە و یاریدەی کۆنترۆڵکردنی کۆلیسترۆڵ و چەورییە سیانییەکان دەدات.
٢-گوشاری دەروونی کەمدەکاتەوە:
هەبوونی ئاژەڵی وەک پشیلە و سەگ لە ماڵدا هەستی ئارامی بە خاوەنەکەی دەبەخشن، دەبنەهۆی دەردانی ماددەی ئۆکسیتۆسینی شادیهێنەر و کەمکردنەوەی کۆرتیزۆڵی گوشارهێن، ئەوەش دژی خەمۆکی و دڵەڕاوکییە.
٣-گوشاری خوێن دادەبەزێنێ:
توێژەرانی ئەمریکی بۆیان دەرکەوتووە ئەو کەسانەی دەرمانی دژی گوشری خوێن بەکاردەهێنن، ئەگەر ئاژەڵی ماڵییان هەبێ کەمتر بەهۆی گوشاری دەروونییەوە تووشی هەڵکشانی گوشاری خوێن دەبن.
٤-لێهاتوویی جەستەیی زیاددەکات:
زۆرتر بۆ ئەوانە راستە کە پیاسە بە ئاژەڵەکانیان دەکەن
٥-نەخۆشییەکانی دڵ کەمدەکاتەوە:
بەهۆی کەمکردنەوەی گوشاری دەروونی، دابەزاندنی ئاست چەورییە زیانبەخشەکان و زیادکردنی لێهاتوویی جەستەیی
٦-هەستەوەریی منداڵان کەمدەکاتەوە:
ئەو منداڵانەی بەرکەوتنیان لەگەڵ ئاژەڵە ماڵییەکان زۆرترە، کەمتر تووشی هەستەوەری قوڕگو لووت، رەبوو (بەرهەنگ)، ئەکزیما و هەستەوەرییەکانی دیکە دەبن.
٧-خەمۆکی کەمدەکەنەوە:
پەیوەستی ئاژەڵ و خاوەنەکەی هەستێکی پڕ ئاسوودەیی و ئارامیی دەبەخشێ و دژی پەراوێزکەوتن و متمانەبەخۆنەبوون ە خەمبارییە.
٨-دژی ئازاری درێژخایەنە:
هەبوونی ئاژەڵی ماڵی ئەوە ناهێڵێ هەمیسە سەرنت لەسەر ئازارەکان بێ، هەروەها هانی دەردانی ماددەی دەماریی ئیندۆرفین دەدات، هەردوو خاڵەکەش دژی ئااری درێژخایەنن.
تُتاح هذه الصورة أيضا في: کوردی