سێزدە موەلیدێن كارەبێ بۆ ئاوارەیێن چیایێ شنگالێ هاتن دابینكرن
تۆرا لالش یا راگەهاندنێ
دبەردەوامیا پێشكێشكرنا خزمەتكاریان دبوارێن جودا جودا بۆ خەلكێ شنگالێ،سێزدە موەلیدێن كارەبێ بۆ خەلكێ ل دەڤەرا سەردەشتێ ل چیایێ شنگالێ ئاكنجی هاتن دابینكرن و بۆ ماوێ شەش دەمژمێران كارەب دێ بۆ وان ئێتە بەردان.
بەرپرسێ نڤیسینگەها چیا و دەزگەهێ خێرخوازیێ بارزانی(پیر دەیان) بۆ رۆژناما دەنگێ لالش ئاشكەراكر،ئەڤ پرۆژە ب هاریكاریا دەزگەهێ خێرخوازیێ بارزانی و هەماهەنگی دگەل جێگرێ پارێزگەهێ دهۆكێ و قایمقامیا شنگالێ و رێكخراوێن( sp)و (GIZ) یێن ئەلمانی و شاندێ كەنیسا سویسری مستر ئولی بوویە،كو سێزدە موەلیدێن كارەبێ بۆ خەلكێ ل دەڤەرا سەردەشتێ ل چیایێ شنگالێ دئاكنجی هاتن دابینكرن و كارەب دێ گەهتە( 1134 ) مالان بۆ ماوێ شەش دەمژمێران بۆ وان دێ ئێتە بەردان.
هەروەسا دیاركر،بەری نهۆ د گفتوگۆیێ دابووین دگەل پارێزگەها مووسلێ،كو ئاریش كارەبێ بێتە چارەسەركرن و زێدەتر كارەب بۆ دەڤەرێ بێتە بەردان.
تُتاح هذه الصورة أيضا في: کوردی