ئەمریکا دێ 199 کۆچبەرێن عێراقی ڤهگهرينته وهلاتێ وان
رووداو – واشنتن
لەماوەی سێ هەفتەدا 199 کۆچبەری عێراقی لە ئەمریکا دەستبەسەرکراون و بڕیارە بگەڕێندرێنەوە وڵاتەکەیان.
میدیاکانی ئەمریکا بڵاویانکردەوە، دوای ئەوەی عێراق و ئەمریکا رێککەوتن لەسەر گەڕاندنەوەی کۆچبەرانی نایاسایی، هێزە ئەمنییەکانی ئەمریکا 199 عێراقییان دەستبەسەرکردووە، کە زۆربەیان لە دیترۆیت نیشتەجێبوون. ئەو کەسانە لە سێ هەفتەی رابردوودا دەستبەسەرکراون، لە چوارچێوەی رێککەوتنێکی نێوان عێراق و ئەمریکا بەرامبەر دەرهێنانی عێراق لە ریزی وڵاتانی قەدەخەی گەشت بۆ ئەمریکا لەنێوان هەردوولادا کراوە.
جیلیان کریستینسن، گوتەبێژی بەڕێوبەرایەتیی کاروباری گومرگ و کۆچبەران رایگەیاندووە، 114 کۆچبەری عێراق لە سەرەتای ئەم هەفتەیەوە دەستبەسەرکراون لە دیترۆیت، 85ی دیکەش لە ناوچەکانی دیکە دەستبەسەرکراون.
بەگوتەی ئەو بەرپرسەی ئەمریکا، زۆربەی ئەوانەی دەستبەسەرکراون، تۆمەتەکانی کوشتن و دەستدرێژی، رفاندن و بازرگانی ماددە هۆشبەرەکانیان لەسەرە و پێشێلی یاساکانیان کردووە.
جیلیان کریستینسن راشیگەیاندووە، لە 17ـی نیسانی ئەمساڵەوە هەزار و 444 عێراقی لە ئەمریکا بڕیاری رەوانەکردنەوەی بەزۆریان بۆ عێراق بۆ دەرچووە، هەشت کەس لەو کۆچبەرانە رەوانە کراونەتەوە.
تُتاح هذه الصورة أيضا في: کوردی