وهزارهتا شههیدان:دادگهههكا نێڤدهولهتی لدۆر تاوانێن داعشێ دێ هێته دامهزراندن
WAAR-دهۆک:
وهزارهتا شههیدان و ئهنفالكرییان راگههاند؛ دادگهههكا نێڤدهولهتی یا تایبهتمهند بۆ بجینوسایدناساندنا تاوانێن داعشێ دژی مللهتێ كورد، دێ هێته دامهزراندن.
بهرهڤان حهمدی رێڤهبهرێ گشتی ل وهزارهتا شههید و ئهنفالكرییان یا حكومهتا ههرێمێ گۆت: ههر ژ دهستپێكا هێرشێن داعشێ، حكومهتا ههرێمێ لژنهیهكا بلند بۆ لێكۆلین و كۆمكرنا بهلگهیێن تاوانێن داعشێ پێكئینا و وێ لژنێ ژ روویێ بهلگهنامه و لێكولین و دكیۆمێنتان، كهیسێن جینوسایدا ئێزدییان و دهشتا نهینهوا ئامادهكر و ب رێیا حكومهتێ، دانهیهك پێشكێشی دادگهها تاوانێن نێڤدهولهتی كر و دانهیهك ژی بۆ جڤاتا ئاسایشا نێڤدهولهتی و رێكخستنا نهتهوهیێن ئێكگرتی هنارتن.
گۆت ژی: ژبهركو ههرێما كوردستانێ نه ئهندامه د دادگهها تاوانێن نێڤدهولهتی دا، چهند كێشهیێن قانوونی ههنه، لهو وان هزر د رێیهكا دی دا كرییه كو دامهزراندنا دادگهههكا نێڤدهولهتی یا تایبهتمهنده و ئهو دادگههه ژی، ب بریارا نهتهوهیێن ئێكگرتی دێ هێته ڤهكرن و نها بزاڤێن حكومهتێ بهردهوامن.
دا زانین ژی: جینوساید بوویه پشكهك ژ دیرۆكا مللهتێ كورد، لهو بریارهاتییه دان، بۆ سالا نوویا خواندنێ، وانهیا جینوسایدێ ل پهیمانگههـ و زانكۆیێن ههرێمێ بهێته خواندن و بۆ سالێن د دووڤ دا، كورسیێن ماستهر و دكتورایێ ژی، د ههمان بابهت دا، بهێنه دابین كرن.
خویاژی كر، ئهو وهلاتێن كو ههلگرێن رهگهزنامهیێن وان تهڤلی داعشێ بووین، پێدڤییه قهرهبوویا قۆربانیێن دهست داعشێ بكهن و پشتهڤانیێ ل ب جینوساید ناساندنا تاوانێن داعشێ، ل دژی گهلێ كورد و پێكهاتهیێن ئۆلی و نهتهوهیێن ههرێما كوردستانێ بكهن.
تُتاح هذه الصورة أيضا في: کوردی