کۆمیتەیا رێفراندومێ یا دانوستانکار دگهل بەغدا دێ کۆم بیت
WAAR-دهۆك:
کۆمیتەکا رێفڕاندۆمێ یا بۆ دانوستاندنێن بەغدا هاتییە پێکئینان، ئهڤرۆ دێ ئێکەم کۆمبوونا خوە کەت و بهرنامهیێ سهرهدانا خوه گۆتوبێژ كهت.
مونا قههوهچی ئهنداما جڤاتا بلند یا رێفراندۆمێ بۆ وار گۆت: کۆمیتەکا رێفڕاندۆمێ یا دانوستاندنێن بەغدا كو دوهی د كۆمبوونا جڤاتا بلند یا رێفراندومێ دا هاتییه پێكئینان، ئهڤرۆ ئێڤاری دێ ل مالا دکتۆر رۆژ نووری شاوێس ئهندامێ مهكتهبا سیاسی یا پارتی كۆمبن و بهرنامهیێ سهرهدانا خوه یا بهغدا و كۆمبوونێن دگهل بهرپرسێن ئیراقێ گۆتوبێژ كهن.
كۆمیتهیا سهرهدانا بهغدا، ژ نوونهرێن پارتی، ئێكهتی، یهكگرتوو و پێكهاتهیێن ئۆلی و نهتهوهیی یێن ههرێمێ، ههروهسا نوونهرێ سهرۆكاتییا ههرێما كوردستانێ پێكهاتییه و تنێ تەڤگەڕا گۆڕان و كۆمهلا ئیسلامی پشكدار نینن.
تُتاح هذه الصورة أيضا في: کوردی