سهرۆك بارزانى پێشوازى ل بالیۆزێ ژاپۆن ل عیراقێ كر
خانى نيوز:
ئهڤرۆ 21ێ تهباخا 2022ێ سهرۆك بارزانى ل سهلاحهددینێ پێشوازى ل بالیۆزێ ژاپۆنێ ل عیراقێ سوزیكى كوتاروى كر.
د دیدارهكێ دا كو كونسۆلێ گشتى یێ ژاپۆن ل ههولێرێ ئاراكاوا میكیهیرو ژى تێدا یێ بهرههڤبوو، بالیۆزێ ژاپۆنێ زێدهبارى ئاماژه دان ب خهباتا گهلێ كوردستانێ بۆ گههشتنا ئازادییێ، پهسنا رۆلێ بارزانییێ نهمر و سهرۆك بارزانى و پارتى دیموكراتى كوردستان بۆ بزاڤێن وان د مسۆگهركرنا ماف و دهستكهڤێن مێژوویى یێن گهلێ كوردستانێ دا كر.
دههمان دیدار دا بالیۆزێ ژاپۆنێ ل عیراقێ دووپاتكر، سهقامگێرییا ههرێما كوردستانێ بۆ وهلاتێ وى یا گرنگه و جهێ گرنگى پێدانێ یه، و كورتییهك دهربارهى هاریكارى و ههماههنگییا وهلاتێ خوه ل ههرێما كوردستانێ و دهڤهرێن كوردستانێ یێن ژ دهرڤهی ئیدارهیا ههرێمێ و جهێن دى یێن عیراقێ خواند، سهرۆك بارزانى ژى سوپاسییا بالیۆزێ ژاپۆنێ كر و هیڤی خواستن پهیوهندییێن دناڤبهرا ههردوو لایان دا پتر پێشبكهڤن.
رهوشا سیاسى یا عیراقێ و ههلبژارتنێن ههرێما كوردستانێ تهوهرهكێ دى یێ وێ دیدارێ بوو، و سهرۆك بارزانى دووپاتى ل وێ چهندێ كر پارتى دیموكراتى كوردستانى ههردهم یا بهرههڤه ههلبژارتنێن كوردستانێ د دهمێ خوه یێ دهستنیشانكرى دا بكهت.
تُتاح هذه الصورة أيضا في: کوردی