كۆمسیۆنا هه‌رێمێ داخوازا پاره‌یێ پێدڤی و ده‌مێ هه‌لبژارتنان دكه‌ت
WAAR-دهۆك:
كۆمسیۆنا هه‌لبژارتن و راپرسییێن هه‌رێما كوردستانێ داخواز ژ حكومه‌تێ كر پاره‌یێ پێدڤی و ده‌مێ هه‌لبژارتنێن گشتی یێن هه‌رێمێ ده‌ستنیشان بكه‌ت.
ئه‌رشه‌د شوانی په‌یامنێرێ وار ل هه‌ولێرێ گۆت: كۆمسیۆنا هه‌لبژارتن و راپرسییێن هه‌رێمێ، ب فه‌رمی داخواز ژ حكومه‌تا هه‌رێمێ كرییه، هه‌رزوو داوی ژڤانێ هه‌لبژارتنان ده‌ستنیشان بكه‌ت و پاره‌یێ پێدڤی ژی بۆ برێڤه‌برنا پرۆسێ دابین بكه‌ت، هه‌‌روه‌سا كۆمسیۆنێ ئاماده‌باشییا خوه ژی نیشان دایه كو هه‌موو هه‌لبژارتنێن هه‌رێمێ د ئێك ده‌م دا برێڤه‌ببه‌ت.
ئه‌ڤه د ده‌مه‌كی دایه كو سوبه جڤاتا وه‌زیرێن هه‌رێمێ دێ كۆمبیت و ئێك ژ خالێن كۆمبوونێ، هه‌لبژارتنێن بهێت یێن كوردستانێ نه و ل گۆری زانیارییان، حكومه‌تێ پلان هه‌یه به‌ریا هه‌لبژارتنێن ئیراقێ یێن مه‌ها پێنج، هه‌لبژارتنێن هه‌رێمێ بهێنه كرن.
تُتاح هذه الصورة أيضا في: کوردی