ساخكرنا بیرەوەریێن گرعزێر و سیبا شێخدرێ و گوندێ كۆچۆ ل كەمپا مام رەشان
تۆرا لالش یا راگەهاندنێ
ل رێككەفتی 14تەباخا 2017ێ،بنگەهێ لالش تایێ شنگالێ ب هەڤكاری دگەل كارگێریا كەمپا مام رەشان و كۆمەكا گەنجێن كەمپێ و ب سەرپەرشتیا لقێ هەڤدە یێ پارتی دیموكراتی كوردستان،بیرەوەریێن گرعزێر و سیبا شێخدرێ و گوندێ كۆچۆ ساخكرن.
ئاهەنگەكا ماتەمینی ب خۆلەكەك سەكنین لسەر گیانێ جانگۆریان دەستپێكر،پاش پەیڤێن كارگێریا كەمپێ و نوونەرێن لقێ هەڤدە و بنگەهێ لالش تایێ شنگال هاتنە خووندن،ل پێرە كۆمەكا گەنجان ب چەندین پەیڤ و هۆزانان دەربرین ژ كارەساتان كرن.
دبرگەیەكا دی دا كورتە فلمەك لسەر كارەساتێن گرعزێر و سیبا شێخدرێ هاتە نیشاندان و تێدا قەبارێ كارەسات و دەردەسەریێن خەلكێ مە و برینێن وان دوێ كارەساتێ دا هاتن نیشاندان،پاش كۆمەكا هۆزانڤانان هۆزان و دروشم ب رۆژا رەش گۆتن.
ژلایەكێ دیڤە فلمەك لسەر قوربانیێن گوندێ كۆچۆ هاتە نیشاندان و تێدا دەهان وێنێن قوربانیێن كوشتارا كۆچۆ هاتنە پیشاندان،هەروەسا شەمالك لسەر گیانێ جانگۆریان هاتنە هەلكرن و تابلۆیەك بناڤێ كۆچۆ ب شەمالكان هاتە وێنەكرن.
تُتاح هذه الصورة أيضا في: کوردی