زارۆیەكێ ئاوارەیێ شنگالێ ل كەمپا خانكێ تووشی نەخۆشیەكا گران دبت
تۆرا لالش یا راگەهاندنێ
زارۆكێ ئێزدی( سەهران عنز ئەلیاس) نهۆ ل كەمپا خانكێ ئاكنجی یە،تووشی نەخۆشیەكا گران بوویە و 40جاران بۆ نەخۆشخانێ هاتیە ڤەگوهاستن و رەوشا وی رۆژ بۆ رۆژێ نەخۆشتر لێ دئێت و پێتڤی هاریكاریێ یە.
سەهران خەلكێ گوندێ دووگرێ یە ل قەزا شنگالێ تەمەن 2سالی یە،ب گرانی تووشی نەخۆشیەكێ بوویە و رۆژ بۆ رۆژێ نەخۆشتر لێ دئێت.
بابێ ڤی زارۆكی(عنز ئەلیاس)بۆ رۆژناما دەنگێ لالش گۆت: دتەمەن دووسالیێ دا وژنشكەكێ ڤە نەخۆشیەكا گران یا مل ئێشیانێ لێ دیاركر و د زووترین دەم دا مە برە نەخۆشخانێ و چەند رۆژان ما ل نەخۆشخانا دهۆكێ،ئەڤ پترە ژ سالەكێ ٤٠ جاران دئێتە ڤەگوهاستن بۆ نەخۆشخانێ ل هەولێرێ و مەزاختنەكا مادی یا مەزن لێ هاتیە كرن و رەوشا وی هێشتا باشتر نەبوویە و چ هاریكاری بۆ نەهاتیە كرن،لەوا داخوازێ ژ هەر جیەكێ دكەم دەستێ هاریكاریێ بۆ ڤی زارۆكی درێژ كت،داكو ژڤێ نەخۆشیێ چارەسەر بت.
تُتاح هذه الصورة أيضا في: کوردی