چار رەڤاندیێن کوردێن ئێزدی ھاتنە رزگارکرن
باسنيوز:
رێڤەبەرێ نڤیسینگەھا رزگارکرنا رەڤاندیێن کوردێن ئێزدی پارێزگەھا دھۆکێ دیارکرکو ئەڤرۆ 30/8/2017 چوار رەڤاندیێن کوردێن ئێزدی خەلکێ دەڤەرا حەردان ل قەزا شنگال ژ دەستێن تێرۆرستێن داعش ھاتنە رزگارکرن.
حوسێن کورۆ قائێدی، رێڤەبەرێ نڤیسینگەھا رزگارکرنا رەڤاندیێن کوردێن ئێزدی، بۆ (باسنیوز) دیارکر: “ژنەک دگەل سێ زارۆکێن خوە ئەڤرۆکە ژ دەڤەرا تەلەعفەر ھاتنە رزگارکرن ژ دەستێن تیرۆرستێن داعش ژیێ وێ ژنی 30 سالن ب ناڤی (ن) ب ھەڤکاریا پێشمەرگەی کوردستانێ ل دەڤەرا شنگال ئەڤ ژنا دگەل سێ زارۆکێن خوە پێکڤە ھاتنە رزگارکرن وگەھشتنە ناڤ کەس و کارێن خوە ل پارێزگەھا دھۆکێ”.
خۆیا ژی کر: “ژوورا رزگارکرنا رەڤاندیێن ئێزدی ل دەڤەرا تەلەعفەر ب ھەڤکاریا پێشمەرگەی کوردستانێ ھاتیە دروستکرن ھەتا نوکە چەندین ژن و زارۆکێن کوردێن ئێزدی ژ دەستێن تیرۆرستێن داعش رزگارکرن”.
تُتاح هذه الصورة أيضا في: کوردی