ھەشت پێکھاتێن ئاینی و نەتەوەیی دێ مەزنترین کەرنەڤالێ پشتەڤانیا ريفراندۆمێ سازکەن
باسنيوز:
نوونەرێ کوردێن ئێزدی د مەزنترین کەرنەڤالێ پشتەڤانیا رێفراندۆما سەربەخۆیا کوردستانێ دا دیارکرکو پێشکداریا ھەشت پێکھاتێن ئاینی و نەتەوەیی ل ھەرێما کوردستانێ دێ مەزنترین کەرنەڤالێ پشتەڤانیا رێفراندۆمێ بۆ سەربەخۆیا کوردستانێ ھێتە سازکرن.
کاوە عیدو خەتاری، نوونەرێ کوردێن ئێزدی د مەزنترین کەرنەڤالێ پشتەڤانیا رێفراندۆما سەربەخۆیا کوردستانێ دا بۆ (باسنیوز) دیارکر: “شەش کومپانیان دگەل چەندین بازرگانێن ھەرێما کوردستانێ دێ پشتەڤانیا کەرنەڤالێ سەربەخۆیا کوردستانێ کەن نوکە بەرھەڤیێن باش ھاتنە کرن بۆ سازدانا کەرنەڤالێ پشتەڤانیا رێفراندۆما سەربەخۆیا کوردستانێ دێ کەرنەڤالێ دا ئێزدی، مەسیحی، سائیبە، کەکایی، جوھی، زەردەشتی، شەبەک، سریان، کرستیان، کلدانی، عەرەب و ھەموو پێکھاتێن دی یێن ھەرێما کوردستانێ پێشکداربن”.
خۆیا ژی کر: “ئەڤ کەرنەڤال یێ نشتیمانیی و نەتەوەیی یە و دێ سەرانسەری ھەرێما کوردستانێ ھێتە سازکرن دێ ھەولێر، دھۆک، سلێمانی، کەرکووک و ھەڵەبجە ھەموو تێدا پێشکداربن، ل ڤان نێزیکان دی کەرنەڤالێ پشتەڤانیا رێفراندۆمێ دەست ب کاری خوە کەت”.
تُتاح هذه الصورة أيضا في: کوردی